Bisa ga cewar kwararru, cutar da ake yadawa ta wajen jima’I da ake kira a takaice da turanci HPV tana kama kimanin kashi casa’in bisa dari na mutanen da suke jima’I a duk fadin kasashen duniya, kwayar cutar ce kuma sanadin kimanin cutar sankaran mara dari biyar kowacce shekara, da kuma mutuwar kimanin mutane dubu 290.
Wadansu nau’in kwayar cutar biyu HPV 16 da 19 sune sanadin kashi 70 bisa dari na sankaran mara hadi kuma da sankaran hakori da na gaban mace da kuma mafitsarar namiji. Kwararru sun ce nauyin cutar HPV 6 da 11 sune sanadin kashi casa’in bisa dari na kurajen gaban mutum.
An samar da wata allurar rigakafi mai inganci dake maganin wadannan nau’in kwayar cutar duka hudu a cikin shekaru biyu da suka shige. Jami’an aikin magani sun bada shawarar a yiwa samari da ‘yan mata da kuma maza da mata da basu kai ga yin jama’I ba rigafi domin kada su kamu da kowanne nau’in kwayar cutar.