Talata, Satumba 01, 2015 Karfe 23:16

Labarai / Afirka

Hassan Sheikh Mohamud Ya Zamo Shugaban Somaliya

Wannan sabon shiga a siyasa ya doke shugaba mai ci, Sheikh Sharif Sheikh Ahmed, a zagaye na uku na zaben shugaban kasa sabo a majalisar dokoki

Wani sojan gwamnatin Somaliya yana wucewa a kusa da wata mace rike da kwalin fasta na yakin neman zaben shugaba Sheikh Sharif Ahmed
Wani sojan gwamnatin Somaliya yana wucewa a kusa da wata mace rike da kwalin fasta na yakin neman zaben shugaba Sheikh Sharif Ahmed
Wani dan takarar da ba kowa ne ya san shi ba ya lashe zaben shugaban kasar Somaliya, a bayan da majalisar dokokin kasar ta kada kuri'a a zagaye na uku na zaben shugaban kasar karkashin wani shirin da Majalisar Dinkin Duniya ke goyon baya.

Hassan Sheikh Mohamud mai shekaru 56 da haihuwa, ya doke shugaban kasar Somaliya mai ci, Sheikh Sharif Sheikh Ahmed, inda ya samu kuri'u fiye da 150 daga cikin kuri'u 271 da 'yan majalisar dokoki suka jefa.

Babu wanda ya samu kashi biyu bisa uku na kuri'u a zagayen farko, saboda haka 'yan takara hudu da suka fi samun kuri'u suka je ga zagaye na biyu. A zagaye na biyun kuma, babu wanda ya samu fiye da rabin kuri'un 'yan majalisar dokokin, saboda haka shugaba mai ci Sheikh Ahmed da shi hassan Sheikh Mohamud suka shiga zagaye na uku.

Shi dai sabon shugaban na Somaliya, shi ne ya kafa jam'iyyar nan ta Zaman Lafiya da Raya Kasa (Peace and Development Party) ko kuma PDP a takaice. Shi dan rajin kyautata rayuwar jama'a ne, kuma sunansa ya fito sosai cikin 'yan takarar a bayan da ya samu kuri'un mutanen da ba su gamsu da shugabannin kasar na yanzu ba.

Watakila Za A So…

Shirin Dare

Shirin Dare

A shirin namu na karfe 9 da rabi agogon Najeriya da Nijar, zaku ji labarai na yadda duniyar ta yini da rahotanni da dumi-duminsu, sannan mu kan bude muku layuka domin ku bugo ku bayyana mana ra’ayoyinku kan batutuwan da suka fi muhimmanci a wannan rana, ko kuma wadanda ke ci muku tuwo a kwarya.
Shirin Rana

Shirin Rana

Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.
Shirin Hantsi

Shirin Hantsi

Mu kan komo da karfe 8 na safe agogon Najeriya da Nijar domin sake gabatar muku da labarai da hirarraki, da sharhin jaridu kama daga Najeriya zuwa Nijar har Ghana, da kuma ra’ayoyinku.
Shirin Safe

Shirin Safe

Kullum da karfe 6 na safe agogon Najeriya da Nijar muna gabatar da labarai da rahotanni da dumi-duminsu, sannan mu na gabatar da wasu shirye-shirye kamar Noma da Lafiya Uwar Jiki.

An rufe wannan dandalin
Yadda Ake Son Gani
Sharhi/Ra'ayi
     
by: Habibu Nuhu Kila Daga: Dutse, Jihar Jigawa
10.09.2012 19:52
Allah Yasa wannan zabe ya kawo zaman lafiya a kasar Mali da kuma hadin kan 'yan kasar

Audio Shirin Safe:       1530 - 1600 UTC

Audio Shirin Hantsi:    1530 - 1600 UTC

Audio Shirin Rana:       1530 - 1600 UTC

Audio Shirin Dare:       1530 - 1600 UTC

Audio Yau da Gobe:       1530 - 1600 UTC

Karin Bayani akan Sauti