Talata, Agusta 04, 2015 Karfe 04:20

Labarai / Najeriya

An Kashe Mutane Akalla 23 A Arewa Maso Gabashin Najeriya

Yayin da hukumomi suka ce sun kama wani babban kwamandan Boko Haram mai suna Shu'aibu Muhammad Bama a gidan wani sanata a Maiduguri

Motocin da aka kona a wurin koyon sana'a dake garin Potiskum a Jihar Yobe, asabar 20 Oktoba, 2012. Ana zargin Boko Haram da kai harin
Motocin da aka kona a wurin koyon sana'a dake garin Potiskum a Jihar Yobe, asabar 20 Oktoba, 2012. Ana zargin Boko Haram da kai harin
Jami’an asibiti a Najeriya sun ce mutane akalla 23 suka mutu a wasu hare-haren da ake dora laifin kai su a kan ‘yan kungiyar Boko Haram, yayin da hukumomi suka ce sun kama wani babban jigo na kungiyar.

Jami’an asibiti sun fada yau asabar cewa an samu wadannan mace-mace ne a sanadin fashe-fashe da harbe-harben da suka faro tun shekaranjiya alhamis a yankin arewa maso gabashin kasar. Mazauna yankin sun ce an lalata gine-gine da yawa a wannan yanki da ‘yan Boko haram suka fi yawan kai hare-hare.

Jiya jumma’a da maraice kuma, jami’an sojan Najeriya sun bayar da sanarwar damke wani babban kwamandan ‘yan Boko Haram mai suna Shuaibu Muhammed Bama a gidan wani sanannen sanata a Maiduguri, sai dai ba su ambaci sunan sanatan ba.

An dora ma kungiyar alhakin mutuwar mutane fiye da dubu daya da dari biyar tun 2009. Har yanzu babu wani cikakken bayanin da ake da shi game da kungiyar, amma an yi imanin cewa kokari suke yi su shimfida yin aiki da dokokin shari’ar Islama a fadin kasar.

A farkon wannan wata ne kungiyar kare hakkin bil Adama ta Human Rights Watch ta ce kungiyar Boko Haram ta aikata kashe kashe da cin zarafi a hare-haren da take kaiwa a kan jami’an gwamnati, da kiristoci da kuma Musulmi wadanda ba su da tsagerancin ra’ayi. Amma kungiyar mai cibiya a nan Amurka ta ce su ma dakarun gwamnatin Najeriya su na keta hakkin bil Adama da cin zarafi a yakin da suke yi da wannan kungiya.

Watakila Za A So…

Shirin Dare

Shirin Dare

A shirin namu na karfe 9 da rabi agogon Najeriya da Nijar, zaku ji labarai na yadda duniyar ta yini da rahotanni da dumi-duminsu, sannan mu kan bude muku layuka domin ku bugo ku bayyana mana ra’ayoyinku kan batutuwan da suka fi muhimmanci a wannan rana, ko kuma wadanda ke ci muku tuwo a kwarya.
Yau da Gobe

Yau da Gobe

Yau da Gobe shiri ne mai inganta rayuwar matasa cikin fadakarwa da ilmantarwa da kayatarwa, ya kuma karfafa mu su samun kaifin fahimtar matsalolin da suka addabe su, suka dabaibaiye su a wannan zamani. Shirin Yau da Gobe na zuwa sau biyar a mako, Litinin zuwa Jumma’a, daga karfe 4 da rabi na yamma zuwa karfe 5! Yau da Gobe ya hada komai, daga filin dafe-dafen gargajiya, zuwa zauren matasa inda suke bayyana ra’ayoyin su daban-daban akan wasanni, da siyasa, da mu’amala ta samari da ‘yan mata, da fasaha, da filin kiwon lafiyar matasa.
Shirin Rana

Shirin Rana

Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.
Shirin Hantsi

Shirin Hantsi

Mu kan komo da karfe 8 na safe agogon Najeriya da Nijar domin sake gabatar muku da labarai da hirarraki, da sharhin jaridu kama daga Najeriya zuwa Nijar har Ghana, da kuma ra’ayoyinku.
Shrin Safe

Shrin Safe

Kullum da karfe 6 na safe agogon Najeriya da Nijar muna gabatar da labarai da rahotanni da dumi-duminsu, sannan mu na gabatar da wasu shirye-shirye kamar Noma da Lafiya Uwar Jiki.

An rufe wannan dandalin
Yadda Ake Son Gani
Sharhi/Ra'ayi
     
by: Mohammed Bashir Daga: kawo kaduna
21.10.2012 05:04
shin Ina jami,an tsaron suke? Yau ache an Kama wane na kungiyar ,gobe ache an Kama wane daga kungiyar boko haram amma har Yanzu bamuga daya daga cikin su da gwamnati ta gurfanar gaban shari,a ba ko kuma samun labarin komai suba.

Ra’ayoyinku da 2015 Zabe

Yaya zabe yake gudana a wajen zaben ku?

Ku sanar da mu ta Facebook, da Twitter, da Instagram @voahausa sai a kara da wannan shadar ta #zaben2015.

#zaben2015

Muna bukatar hotuna da bidiyon garin ku, ko unguwar ku, da rumfunan zaben ku, da ma duk wani abun da ya shafi zabe tsakanin APC da PDP. Ku sanar da mu ta Facebook, da Twitter, da Instagram @voahausa sai a kara da wannan shadar ta #zaben2015.

Karin Bayani akan VOA Hausa Facebook