Asabar, Afrilu 30, 2016 Karfe 08:07

    Labarai / Najeriya

    An Kai Harin Kunar-Bakin-Wake Kan Coci A Kaduna

    An kashe mutane 7 cikin wannan coci, yayin da aka kashe wasu mutanen 2 a hare-haren ramuwar gayya da suka biyo bayan harin kunar-bakin-waken.

    Majami'ar St. Rita dake Kaduna, a bayan harin bam na kunar-bakin-wake, lahadi 28 Oktoba, 2012.
    Majami'ar St. Rita dake Kaduna, a bayan harin bam na kunar-bakin-wake, lahadi 28 Oktoba, 2012.
    Hukumomin Najeriya da kuma wasu shaidun gani da ido sun ce wani dan kunar-bakin-wake ya kara motar da aka zuba nakiya ciki da wata majami’a a garin Kaduna na arewacin kasar, ya kashe mutane 7, ya kuma haddasa hare-haren ramuwar gayyar da suka yi sanadiyyar mutuwar wasu mutanen su biyu.

    Dan harin ya abka kan majami’ar St. Rita dake unguwar Malali a Kaduna cikin wata motar jif a lokacin da aka taru ana ibada yau lahadi da safe. Masu aikin gaggawa sun garzaya da wadanda suka ji rauni zuwa asibitoci. Shaidu sun ce a bayan harin, Kiristoci matasa da suka fusata sun fito kan tituna dauke da adduna da sanduna inda suka lakkada duka ma wasu Musulmi biyu ‘yan acaba har lahira.

    Ya zuwa yanzu babu wanda ya fito ya dauki alhakin kai hari kan wannan majami’a.

    A can baya, kungiyar Boko Haram ta yi ikirarin kai harin bam da na bindiga a kan majami’u da dama cikin shekara guda da ta shige. A watan Yuni, kungiyar ta dauki alhakin hare-haren bam uku kan majami’u a jihar Kaduna, wadda ke tsakiyar kasar a dab da inda Najeriya ta rabu biyu tsakanin arewaci inda Musulmi ke da rinjaye da kuma kudanci inda Kiristoci ke da rinjaye.

    Hukumomin Najeriya su na dora ma kungiyar Boko Haram alhakin kisan mutane fiye da dubu daya da dari biyar, ciki har da ‘yan sanda da jami’an gwamnati kama daga shekarar 2009. Da alamun ‘yan kungiyar su na enma ne su kafa irin ta su fassarar tsarin shari’ar Musulunci a arewacin Najeriya.

    Watakila Za A So…

    Sauti Najeriya Ba Zata Kara Kashe Kudi Ba Don Nemawa Jami’anta Magani A Kasar Waje

    Duk da yake kowanne dan kasa na da ‘yancin fita domin neman waraka daga cutar dake damunsa, babban abin takaici inji shugaban Najeriya Mohammadu Buhari, a ta bakin ministan lafiya, shine yadda yan kasar ke yin tururuwa a kasashen waje domin neman maganin rashin lafiya. Karin Bayani

    Sauti An Baiwa Babban Akanta Janar Na Jihar Bauchi Wa’adi Ya Biya Albashi

    Majalisar Dokokin jihar Bauchi ta baiwa babban akanta janar na jihar wa’adin mako guda daya biya dukkan ma’aikatan jihar da aka kammala aikin tantancesu albashi. Karin Bayani

    Sauti Anya Kuwa Rundunar Zaman Lafiya Dole Sun San Inda Aka Ajiye Yan Matan Chibok?

    Cikin watan Maris ne a cibiyar yaki da Boko Haram dake Maiduguri, kwamandan rudunar Zaman Lafiya Dole, Manjo Janar Leo Irabor, ya bayar da kwarin gwiwar karya lagon ‘yan ta’adda da nuna cewa za a kawo karshensu nan bada dadewa ba. Karin Bayani

    Sauti Boko Haram Na Shigar Da Makamansu Najeriya Ta Boyayyun Hanyoyi

    Tsohon hafsan rundunar sojan saman Najeriya, Aliko El-Rashid Harun, wanda kwararre ne kan sha’anin tsaro yace akan shigo da makamai ga yan Boko Haram cikin Najeriya ta kan iyakokin kasar, wanda ke da yawan gaske kuma ba a saka musu idanu. Karin Bayani

    Sauti Ra’ayoyin Yan Jihar Kaduna Game Da Wasu Dokoki A Jihar

    Wasu daga cikin yan jihar Kaduna da shugabannin al’umma na ci gaba da korafe korafe game da wasu daga cikin dokokin da gwamna mallam Nasiru El-Rufa’in jihar Kaduna yakai gaban Majalisa. Karin Bayani

    Sauti An Kai Hari A Garin Egrak A Jamhuriyar Nijar

    Wandansu mutane da ba a san ko suwaye ba sun kai hari a yammacin jiya, a wani kauye da ake kira Egrak, dake cikin jihar Tawa a kasar jamhuriyar NIjar. Karin Bayani

    An rufe wannan dandalin
    Yadda Ake Son Gani
    Sharhi/Ra'ayi
         
    by: Hassan Daga: Kafanchan
    05.11.2012 08:59
    Wanda ya gina ramin mugunta ya kwana da sanin zai fada a chiki ko bajima ko badade. kana gidan gilashi kana wasan jifa.


    by: Musa Daga: Kafanchan
    29.10.2012 10:53
    Nafi kuka da wadanda suke ba maharan nan mafaka.


    by: Maccido musa Daga: Sokoto state, kware L/G
    28.10.2012 20:43
    Muna rokon Allah ya zaunarda kasarmu lafiya.

    Sauti

    • Shirin Hantsi
      Minti 30

      Shirin Hantsi

      Mu kan komo da karfe 8 na safe agogon Najeriya da Nijar domin sake gabatar muku...

    • Shirin Safe
      Minti 30

      Shirin Safe

      Kullum da karfe 6 na safe agogon Najeriya da Nijar muna gabatar da labarai da...

    • Shirin Dare
      Minti 30

      Shirin Dare

      A shirin namu na karfe 9 da rabi agogon Najeriya da Nijar, zaku ji labarai na...

    • Yau da Gobe
      Minti 30

      Yau da Gobe

      Yau da Gobe

    • Shirin Rana
      Minti 30

      Shirin Rana

      Da karfe 4 na yamma agogon Najeriya da Nijar zaku iya jin rahotanni da labarai...

    Karin Bayani akan Shirya-shirye
    Lambobin bayyana ra'ayoyi a shirinmu na dare: +12022052655
    Lambar kira don bayyana ra'ayi ko yaushe ake so: +12022059942.
     
    Karin Bayani akan Shirya-shirye