Litinin, Disamba 22, 2014 Karfe 21:32

Najeriya

Dakarun JTF Sun Kashe Mutane 14 A Jihar Rivers

A bayan da dakarun na JTF suka kashe mutane fiye da 40, akasarinsu matasa, a garin Maidugurin Jihar Borno a ranar alhamis

Sojojin Najeriya su an duba wata motar da aka kai harin bam da ita.Sojojin Najeriya su an duba wata motar da aka kai harin bam da ita.
x
Sojojin Najeriya su an duba wata motar da aka kai harin bam da ita.
Sojojin Najeriya su an duba wata motar da aka kai harin bam da ita.
Dakarun tsaron Najeriya sun kashe wasu mutane 14, a lokacin da suka kai sumame a wata maboyar gungun wadanda suka sace wani mutumi dan kasar Turkiyya.

‘Yan sanda sun ce an kai wannan sumame jiya jumma’a a Jihar Rivers mai arzikin man fetrur. Jami’ai suka ce tsageran yankin su na da hannu a wasu sace-sacen mutane, da fashi da makami da wasu tashe-tashen hankula.

Kamfanin dillancin labaran Faransa yace an sako mutumin dan kasar Turkiyya da aka sace a bayan da aka biya mutanen da suka sace shi kudin fansa.

A wani lamarin dabam da ya faru ranar alhamis, shaidu sun ce sojoji sun bindige suka kashe mutane fiye da arba’in, akasarinsu matasa, a garin Maiduguri.

Mazauna wannan gari inda kungiyar nan ta Boko Haram ta fi karfi, sun ce sojoji daga rundunar nan ta hadin guiwa da ake kira JTF, sune suka karkashe wadannan mutane a lokacin da suka kai sumame a unguwanni da dama na garin da maraicen alhamis.

Wani ma’aikaci a dakin ajiye gawarwaki a birnin ya shaidawa VOA cewa sun shigo aiki jiya jumma’a da safe sai suka samu gawarwakin matasa kimanin 40 sojoji sun jibge musu a wurin.

Kungiyoyin kare hakkin bil Adama na Amnesty International da HRW sun zargi rundunar JTF da laifin kashe mutane haka siddan a kokarinta na murkushe ‘yan Boko Haram. Rundunar ta JTF ta musanta wannan zargi.
An rufe wannan dandalin
Sharhi/Ra'ayi
     
Babu sharhi ko daya har yanzu a kan wannan dandalin, rubuta guda domin zamowa na farko

Audio Shirin Safe :         0500 - 0530 UTC

Audio Shirin Hantsi :      0700 - 0730 UTC

Audio Shirin Rana :        1500 - 1530 UTC

Audio Shirin Dare :         2030 - 2100 UTC

Lambobin bayyana ra'ayoyi a shirinmu na dare: +12026190548 ko kuma +12026190551.
Lambar kira don bayyana ra'ayi ko yaushe ake so: +12022059942.
 
Karin Bayani akan Sauti