Asabar, Agusta 29, 2015 Karfe 17:53

Labarai / Afirka

Kwamitin Sulhu Zai Jefa Kuri'a Kan Kwango-Kinshasa

'Yan tawayen M23 sun kama birnin Goma dake bakin iyakar Kwango da Rwanda talata, yayin da sojojin gwamnati suka gudu.

'Yan tawayen M23 a lokacin da suak shiga Goma, talata 20 Nuwamba, 2012.
'Yan tawayen M23 a lokacin da suak shiga Goma, talata 20 Nuwamba, 2012.
Kwamitin Sulhun Majalisar Dinkin Duniya yana shirin jefa kuri'a kan wani daftarin kudurin da kasar Faransa ta gabatar, wanda ke neman 'yan tawaye a kasar Kwango-Ta-Kinshasa su janye daga birnin Goma, tare da kafa takunkumi a kan shugabannin 'yan tawayen.

Talata dakarun 'yan tawaye na kungiyar M23 suka kwace wannan muhimmin birni dake bakin iyaka da Rwanda ba tare da turjiya ba. Sojojin gwamnatin Kwango sun gudu, yayin da sojojin kiyaye zaman lafiya na Majalisar Dinkin Duniya su dubu daya da dari biyar suka tsaya kawai su na kallo.

Ministan harkokin wajen Faransa, Laurent Fabius, yace abin kunya ne a ce akwai sojojin kiyaye zaman lafiya su dubu 17 a cikin kasar Kwango, amma sun kasa hana wasu 'yan daruruwan mutane kwace wannan birni. Yayi kiran da a sake nazarin tsarin aikin sojojin kiyaye zaman lafiyar.

Amurka ta yi kiran da a gudanar da tattaunawa a tsakanin Kwango da makwabtanta Rwanda da Uganda. Mai magana da yawun ma'aikatar harkokin wajen Amurka, Victoria Nuland, ta ce Washington tana aiki tare da shugabannin Kwango da Rwanda domin kafa wani tsarin siyasa na warware batun.

Kwango ta Kinshasa ta ce ba zata tattauna kai tsaye da kungiyar M23 ba sai idan an hada da kasar Rwanda a ciki. Shugaba Joseph Kabila na Kwango yana zargin Rwanda da laifin goyon bayan 'yan tawayen, zargin da wani rahoto na Majalisar Dinkin Duniya ma ya gaskata shi. Shugaba Paul Kagame na Rwanda ya musanta wannan zargin.

Watakila Za A So…

Shirin Rana

Shirin Rana

Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.
Shirin Hantsi

Shirin Hantsi

Mu kan komo da karfe 8 na safe agogon Najeriya da Nijar domin sake gabatar muku da labarai da hirarraki, da sharhin jaridu kama daga Najeriya zuwa Nijar har Ghana, da kuma ra’ayoyinku.
Shirin Safe

Shirin Safe

Kullum da karfe 6 na safe agogon Najeriya da Nijar muna gabatar da labarai da rahotanni da dumi-duminsu, sannan mu na gabatar da wasu shirye-shirye kamar Noma da Lafiya Uwar Jiki.
Shirin Dare

Shirin Dare

A shirin namu na karfe 9 da rabi agogon Najeriya da Nijar, zaku ji labarai na yadda duniyar ta yini da rahotanni da dumi-duminsu, sannan mu kan bude muku layuka domin ku bugo ku bayyana mana ra’ayoyinku kan batutuwan da suka fi muhimmanci a wannan rana, ko kuma wadanda ke ci muku tuwo a kwarya.

An rufe wannan dandalin
Sharhi/Ra'ayi
     
Babu sharhi ko daya har yanzu a kan wannan dandalin, rubuta guda domin zamowa na farko

Audio Shirin Safe:       1530 - 1600 UTC

Audio Shirin Hantsi:    1530 - 1600 UTC

Audio Shirin Rana:       1530 - 1600 UTC

Audio Shirin Dare:       1530 - 1600 UTC

Audio Yau da Gobe:       1530 - 1600 UTC

Karin Bayani akan Sauti