Talata, Yuli 28, 2015 Karfe 11:20

Labarai / Afirka

'Yan Tawaye Sun Sake Kwace Wani Garin

'Yan tawayen Jamhuriyar Afirka ta Tsakiya sun kwace garin Bambari, kilomita 400 daga Bangui, a bayan fadan awa biyu da sojojin gwamnati lahadi.

Shugaba Francois Bozize na Jamhuriyar Afirka ta TsakiyaShugaba Francois Bozize na Jamhuriyar Afirka ta Tsakiya
x
Shugaba Francois Bozize na Jamhuriyar Afirka ta Tsakiya
Shugaba Francois Bozize na Jamhuriyar Afirka ta Tsakiya
'Yan tawaye a Jamhuriyar Afirka ta Tsakiya sun sake kwace wani garin, a bayan da suka gwabza da sojojin gwamnati.

Gamayyar kungiyoyin 'yan tawayen da ake kira Seleka ta kwace garin Bambari jiya lahadi. Shaidu suka ce sojojin gwamnati sun arce daga garin a bayan da aka shafe awa biyu ana musanyar wuta da bindigogi.

Garin Bambari, mai mutane kimanin dubu 40, yana yankin tsakiyar kudancin Jamhuriyar Afirka ta Tsakiya, tafiyar kilomita 400 cikin mota daga Bangui, babban birnin kasar.

A yanzu haka dai, 'yan tawayen sun kwace garuruwa akalla 8 tun lokacin da suka kaddamar da farmaki a cikin wannan wata.

Gamayyar 'yan tawayen ta Seleka ta yi barazanar hambarar da gwamnatin shugaba Francois Bozize, wanda ta zarga da laifin kasa aiwatar da yarjejeniyar zaman lafiyar da suka kulla a shekarar 2007.

A makon jiya, kungiyar ta gabatar da bukatu ciki har da neman gwamnati ta saki fursunonin siyasa, ta kuma biya sojojin 'yan tawaye kudaden da ta yi alkawarin zata ba su bayan da suka mika makamansu.

'Yan tawayen su na ci gaba da kame sassan kasar duk da tayin da kasar Chadi ta gabatar na shirya taron neman sulhu da kuma kiran da Kwamitin Sulhun Majalisar Dinkin Duniya yayi na a kawo karshen wannan fada, kuma 'yan tawayen su janye daga cikin garuruwan da suka kama.

Kasar Chadi, babbar kawar Mr. Bozize, ta tura sojojinta cikin Jamhuriyar Afirka ta Tsakiya domin su taimakawa gwamnatinsa.

Watakila Za A So…

Shirin Hantsi

Shirin Hantsi

Mu kan komo da karfe 8 na safe agogon Najeriya da Nijar domin sake gabatar muku da labarai da hirarraki, da sharhin jaridu kama daga Najeriya zuwa Nijar har Ghana, da kuma ra’ayoyinku.
Shirin Safe

Shirin Safe

Kullum da karfe 6 na safe agogon Najeriya da Nijar muna gabatar da labarai da rahotanni da dumi-duminsu, sannan mu na gabatar da wasu shirye-shirye kamar Noma da Lafiya Uwar Jiki.
Shirin Dare

Shirin Dare

A shirin namu na karfe 9 da rabi agogon Najeriya da Nijar, zaku ji labarai na yadda duniyar ta yini da rahotanni da dumi-duminsu, sannan mu kan bude muku layuka domin ku bugo ku bayyana mana ra’ayoyinku kan batutuwan da suka fi muhimmanci a wannan rana, ko kuma wadanda ke ci muku tuwo a kwarya.
Yau da Gobe

Yau da Gobe

Yau da Gobe shiri ne mai inganta rayuwar matasa cikin fadakarwa da ilmantarwa da kayatarwa, ya kuma karfafa mu su samun kaifin fahimtar matsalolin da suka addabe su, suka dabaibaiye su a wannan zamani. Shirin Yau da Gobe na zuwa sau biyar a mako, Litinin zuwa Jumma’a, daga karfe 4 da rabi na yamma zuwa karfe 5! Yau da Gobe ya hada komai, daga filin dafe-dafen gargajiya, zuwa zauren matasa inda suke bayyana ra’ayoyin su daban-daban akan wasanni, da siyasa, da mu’amala ta samari da ‘yan mata, da fasaha, da filin kiwon lafiyar matasa.
Shirin Rana

Shirin Rana

Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.

An rufe wannan dandalin
Sharhi/Ra'ayi
     
Babu sharhi ko daya har yanzu a kan wannan dandalin, rubuta guda domin zamowa na farko

Audio Shirin Safe:       1530 - 1600 UTC

Audio Shirin Hantsi:    1530 - 1600 UTC

Audio Shirin Rana:       1530 - 1600 UTC

Audio Shirin Dare:       1530 - 1600 UTC

Audio Yau da Gobe:       1530 - 1600 UTC

Karin Bayani akan Sauti