Laraba, Satumba 02, 2015 Karfe 22:44

Labarai / Afirka

Faransa Ta Kai Hari Ta Sama Kan 'Yan Tawayen Mali

Sojojin Najeriya da na Senegal ma su na can kasar ta Mali domin dafawa sojojin gwamnati a kokarin murkushe 'yan kishin Islama da suka doshi kudu

Mayakan kungiyar Ansar Dine zaune a mota a garin Gao, arewa maso gabashin Mali, ran 18 Yuni, 2012.
Mayakan kungiyar Ansar Dine zaune a mota a garin Gao, arewa maso gabashin Mali, ran 18 Yuni, 2012.
Jiragen saman yaki na Faransa sun kai hare-hare a kasar Mali domin tallafawa sojojin gwamnati dake kokarin jan burki ma wasu mayaka ‘yan kishin Islama da suka doshi kudu.

Jiya jumma’a, ministan harkokin wajen Faransa, Laurent Fabius, ya tabbatar da kai hare-haren ta sama, amma ya ki bayarda karin haske game da wadannan matakan sojan.

Tun farko a jiya jumma’ar, Faransa ta ce ta aika da sojojinta zuwa Mali a bisa rokon gwamnatin kasar. Har ila yau, an tura sojoji daga Najeriya da Senegal zuwa Mali domin dafawa sojojin gwamnati.

Jami’an sojan Mali sun ce harin da aka kai ta saman ya ja burki ma ‘yan kishin Islamar. ‘Yan tawayen dake rike da dukkan arewacin Mali, sun kutsa kudu a wannan mako, suka kama garin Konna. Jami’an sojan Mali sun ce a yanzu dakarun gwamnati sun sake kwato garin.

Jiya jumma’a, shugaban rikon kwarya na Mali, Dioncounda Traore, ya ayyana dokar ta baci a kasar, ya kuma yi kira ga kowane dan kasar Mali da ya taimaka a wannan yaki.

Shugaba Francois Hollande na Faransa, yace sojojin Faransa su na taimakawa wajen yakar abinda ya kira gungun ‘yan ta’adda a kasar Mali.

Shugaban kasar Mali dai ya roki Faransa, wadda ta yi ma kasar mulkin mallaka, da ta kai musu daukin gaggawa don dakile farmakin ‘yan tawayen. Majiyoyin diflomasiyya sun ce Mr. Traore zai gana da shugaba Hollande a Paris ranar laraba mai zuwa.

Sakataren harkokin wajen Britaniya, William Hague, ya fada jiya jumma’a cewa Britaniya tana goyon bayan shawarar da Faransa ta dauka ta tsoma hannun sojojinta a rikicin Mali.

Watakila Za A So…

Shirin Dare

Shirin Dare

A shirin namu na karfe 9 da rabi agogon Najeriya da Nijar, zaku ji labarai na yadda duniyar ta yini da rahotanni da dumi-duminsu, sannan mu kan bude muku layuka domin ku bugo ku bayyana mana ra’ayoyinku kan batutuwan da suka fi muhimmanci a wannan rana, ko kuma wadanda ke ci muku tuwo a kwarya.
Shirin Rana

Shirin Rana

Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.
Shirin Hantsi

Shirin Hantsi

Mu kan komo da karfe 8 na safe agogon Najeriya da Nijar domin sake gabatar muku da labarai da hirarraki, da sharhin jaridu kama daga Najeriya zuwa Nijar har Ghana, da kuma ra’ayoyinku.
Shrin Safe

Shrin Safe

Kullum da karfe 6 na safe agogon Najeriya da Nijar muna gabatar da labarai da rahotanni da dumi-duminsu, sannan mu na gabatar da wasu shirye-shirye kamar Noma da Lafiya Uwar Jiki.

An rufe wannan dandalin
Sharhi/Ra'ayi
     
Babu sharhi ko daya har yanzu a kan wannan dandalin, rubuta guda domin zamowa na farko

Audio Shirin Safe:       1530 - 1600 UTC

Audio Shirin Hantsi:    1530 - 1600 UTC

Audio Shirin Rana:       1530 - 1600 UTC

Audio Shirin Dare:       1530 - 1600 UTC

Audio Yau da Gobe:       1530 - 1600 UTC

Karin Bayani akan Sauti