Talata, Yuli 07, 2015 Karfe 05:37

Afirka

Sojojin Mali Sun Kwato Garin Konna Daga 'Yan Tawaye

Sojojin Mali sun ce dukkan garin Konna ya koma hannunsu bayan da suka yi barna mai yawa ma 'yan tawaye masu kishin Islama

Jami’ai a kasar Mali sun ce sojojin gwamnati dake samun tallafin sojojin Faransa sun kwato gari na biyu da ‘yan kishin Islama suka kwace kwanakin baya.

Jami’ai na yanki sun ce an fatattaki tsagera daga garin Diabaly, mai tazarar kilomita kimanin 400 a arewa maso gabas da Bamako, babban birnin kasar. A ranar alhamis, an bayar da rahoton kazamin fada a tsakanin sojojin Faransa da tsageran a Diabaly, garin da wadannan masu tawaye suka kama a ranar litinin.

Har yanzu ba a samu tabbacin labarin kwace garin na Diabaly daga bakin sojojin gwamnatin Mali ko na kasar Faransa ba.

Tun kafin nan, rundunar sojojin Mali da jami’an Faransa sun ce dakarun gwamnatin Mali sun kwato garin Konna, wanda ke gabas da garin Diabaly.

Rundunar sojojin ta ce ta kwato garin Konna baki dayansa, a bayan da ta yi barna mai yawan gaske ma ‘yan tawaye masu kishin Islama a can. Kwace wannan gari da tsageran suka yi a makon jiya, shi ya janyo Faransa ta shiga cikin wannan fada a kasar da ta yi wa mulkin mallaka.

Da alamun farmakin mako guda da Faransa da kuma sojojin kasashen yankin Afirka ta Yamma suka kaddamar ya ja burki ma ‘yan tawaye masu alaka da kungiyar al-Qa’ida a yunkurinsu na nausawa kudu a cikin kasar Mali, daga yankin arewaci da har yanzu ke hannunsu.

Wakilin Muryar Amurka, Idrissa Fall, ya aiko da rahoto daga Bamako, babban birnin Mali cewa ‘yan kasar Mali sun fito kwansu da kwarkwatarsu su na lalae marhabin da zuwa sojojin Faransa. Yace yara da manya, har ma da shugabannin siyasar da suke ta fada da juna tun juyin mulkin da sojoji suka yi bara, duk sun fito da murya guda su na bayyana godiyarsu ga kasar Faransa.

Jami’an Faransa sun ce a yanzu haka akwai sojojinsu dubu daya da dari takwas a Mali, kuma nan da ‘yan kwanakin dake tafe yawansu zai karu zuwa 2500. Faransa ta ce zasu zauna a kasar har sai an samu kwanciyar hankali.

Manyan hafsoshin soja na Afirka ta Yamma sun ce mayaka dubu 2 daga Najeriya da Nijar da Chadi da Burkina Faso da Togo sun fara isa kasar Mali a wani bangare na rundunar da MDD ta amince a tura kasar.

A halin da ake ciki, shugabannin kasashen ECOWAS ko CDEAO, su na shirin yin taron koli yau asabar a Abidjan, babban birnin Cote D’Ivoire, domin tattauna karin matakan da za a iya dauka na warware rikicin kasar ta Mali. Kafin taron dai, shugaban majalisar zartaswar ECOWAS, Desire Kadre Ouedraogo, yace halin da ake ciki a Mali yana bukatar daukar matakin nan take.

A nan Washington, kakakin ma’aikatar harkokin wajen Amurka, Victoria Nuland, tace Amurka tana bayar da tallafi ga sojojin kasashen waje dake Mali. Ta ce sun tura sojoji masu horaswa guda 100 zuwa Nijar da Najeriya da Burkina Faso da Senegal da Togo da kuma Ghana domin tattauna irin bukatun horaswa da kayan aikin da kasashen suke bukata.

Watakila Za A So…

Shirin Dare

Shirin Dare

A shirin namu na karfe 9 da rabi agogon Najeriya da Nijar, zaku ji labarai na yadda duniyar ta yini da rahotanni da dumi-duminsu, sannan mu kan bude muku layuka domin ku bugo ku bayyana mana ra’ayoyinku kan batutuwan da suka fi muhimmanci a wannan rana, ko kuma wadanda ke ci muku tuwo a kwarya.
Yau da Gobe

Yau da Gobe

Yau da Gobe shiri ne mai inganta rayuwar matasa cikin fadakarwa da ilmantarwa da kayatarwa, ya kuma karfafa mu su samun kaifin fahimtar matsalolin da suka addabe su, suka dabaibaiye su a wannan zamani. Shirin Yau da Gobe na zuwa sau biyar a mako, Litinin zuwa Jumma’a, daga karfe 4 da rabi na yamma zuwa karfe 5! Yau da Gobe ya hada komai, daga filin dafe-dafen gargajiya, zuwa zauren matasa inda suke bayyana ra’ayoyin su daban-daban akan wasanni, da siyasa, da mu’amala ta samari da ‘yan mata, da fasaha, da filin kiwon lafiyar matasa.
Shirin Rana

Shirin Rana

Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.
Shirin Hantsi

Shirin Hantsi

Mu kan komo da karfe 8 na safe agogon Najeriya da Nijar domin sake gabatar muku da labarai da hirarraki, da sharhin jaridu kama daga Najeriya zuwa Nijar har Ghana, da kuma ra’ayoyinku.
Shrin Safe

Shrin Safe

Kullum da karfe 6 na safe agogon Najeriya da Nijar muna gabatar da labarai da rahotanni da dumi-duminsu, sannan mu na gabatar da wasu shirye-shirye kamar Noma da Lafiya Uwar Jiki.

An rufe wannan dandalin
Sharhi/Ra'ayi
     
Babu sharhi ko daya har yanzu a kan wannan dandalin, rubuta guda domin zamowa na farko

Audio Shirin Safe:       1530 - 1600 UTC

Audio Shirin Hantsi:    1530 - 1600 UTC

Audio Shirin Rana:       1530 - 1600 UTC

Audio Shirin Dare:       1530 - 1600 UTC

Audio Yau da Gobe:       1530 - 1600 UTC

Karin Bayani akan Sauti