Juma'a, Agusta 22, 2014 Karfe 21:35

Sauran Duniya

Za'a Janye Dokar Hana Mata Sojoji A Amurka Shiga Fagen Fama

Mata a fagen fama.Mata a fagen fama.
x
Mata a fagen fama.
Mata a fagen fama.
Wani babbar kusar ma’aikatar tsaro Amurka ta Pentagon yace Sakataren harakokin tsaron Amura din Leon Panetta na dab da janye dokar nan dake hana wa mata sojoji shiga fagagen fama, a buga da su.

Jami’in yace yau da rana ne Mr. Panetta zai bada sanarwar janye wannan hanin, wanda aka ce abu ne da tun lokacinda ya zama sakataren tsaron Amurka a 2011 yake kwadayin yayi. A cikin shekaru biyu kadai da suka gabata, sakataren ya bude wa mata kamar dubu 50 kofar shiga aikin soja din.

Jami’in yace Panetta na shirin yanka wa manyan kwamnadojin Amurka wa’adin tabattarda an aiwatarda wannan sabon umurnin nashi kafin nan da watan Mayu, wanda in anyi haka, dubban dubatan sojoji mata dake rundunonin sojan kasa, na kundumubala, na sama da na ruwa duk zasu sami damar daukar bindiga suje yake-yake kamar ‘yan’uwasu mazaje.

A halin aikin sojan Amurka dai, zuwa fagen fama da shiga yaki itace babbar hanyar da aka fi saurin samun ci gaba da mukamai, kuma mata sun dade suna cewa hana su zuwa fagen fama kamar nuna musu banbanci ne da toshe musu hanyar samun ci gaba.

Rediyo/Sauti

Lambobin bayyana ra'ayoyi a shirinmu na dare: +1-202-619-0548 ko kuma +1-202-619-0551.
Lambar kira don bayyana ra'ayi ko yaushe ake so: +1-202-205-9942.
 

Audio Shirin Safe        MP3

Audio Shirin Rana       MP3

Audio Shirin Dare       MP3

Audio Mu Tattauna       MP3