WASHINGTON, DC —
Hukumar Kiwon Lafiya ta Duniya, WHO, ta fito da sabbin ka’idojin dake yin kira da babbar murya ga dukkan al’ummar duniya da su rage yawan gishirin da suke ci, su kuma rika yin amfani da sinadarin Potassium a cikin abincinsu, ko su riki cin kayan abincin da suke da sinadarin ciki.
A cikin sanarwar da ta bayar jiya alhamis, hukumar ta kiwon lafiya a duniya ta ce ya kamata kowane balagagge ya rage yawan gishirin da yake ci a kowace rana, ya komo kasa da gram 5, wato kasa da karamin cokali guda, a rana. Har ila yau, hukumar ta bayar da shawarar cewa abincin da balagagge zai rika ci a kullum ya kunshi gram uku da rabi na sinadarin Potassium.
Hukumar WHO ta ce ta bayar da wannan shawara ce a wani yunkurin hana mutane shiga cikin kasadar kamuwa da ciwon hawan jini, daya daga cikin manyan abubuwan dake haddasa ciwon zuciya da toshewar hanyoyin jini.
Shi dai gishiri, ba wai kawai yana nan tamkar garin gishiri da ak saba gani ba ne, akwai shi da yawa duk da cewa ba a jin dandanonsa a cikin madara, kwai, da kuma kayayyakin kwalama da ake sarrafawa.
Sinadarin Potassium, mai rage hawan jini, ana samunsa sosai cikin kayan abinci kamar wake, da ‘ya’yan abinci dangin gyada, gurjiya, kashu, da ganyayyaki da ‘ya’yan itace irinsu alayyaho da ayaba.
A cikin sanarwar da ta bayar jiya alhamis, hukumar ta kiwon lafiya a duniya ta ce ya kamata kowane balagagge ya rage yawan gishirin da yake ci a kowace rana, ya komo kasa da gram 5, wato kasa da karamin cokali guda, a rana. Har ila yau, hukumar ta bayar da shawarar cewa abincin da balagagge zai rika ci a kullum ya kunshi gram uku da rabi na sinadarin Potassium.
Hukumar WHO ta ce ta bayar da wannan shawara ce a wani yunkurin hana mutane shiga cikin kasadar kamuwa da ciwon hawan jini, daya daga cikin manyan abubuwan dake haddasa ciwon zuciya da toshewar hanyoyin jini.
Shi dai gishiri, ba wai kawai yana nan tamkar garin gishiri da ak saba gani ba ne, akwai shi da yawa duk da cewa ba a jin dandanonsa a cikin madara, kwai, da kuma kayayyakin kwalama da ake sarrafawa.
Sinadarin Potassium, mai rage hawan jini, ana samunsa sosai cikin kayan abinci kamar wake, da ‘ya’yan abinci dangin gyada, gurjiya, kashu, da ganyayyaki da ‘ya’yan itace irinsu alayyaho da ayaba.
