Talata, Fabrairu 09, 2016 Karfe 04:15

    Labarai / Sauran Duniya

    Koriya Ta Arewa Ta Yi Gwajin Makamin Nukiliya Na 3

    Hukumomi a Pyongyang sun ce su n yi wannan gwajin ne a saboda "mummunar kiyayyar" da Amurka ta ke nuna ma kasar.

    Shugaba Kim Jong-Un na Koriya Ta Arewa yana jagorancin taron majalisar sojojin kasar
    Shugaba Kim Jong-Un na Koriya Ta Arewa yana jagorancin taron majalisar sojojin kasar
    Koriya ta Arewa ta ce ta samu nasarar gudanar da gwaji na uku na makamin nukiliya, a bayan da ta sanya kafa ta yi kutufau da gargadin da Majalisar Dinkin Duniya ta yi mata na cewa ta dakatar da shirinta na kera makaman nukiliya.

    Kamfanin dillancin labaran gwamnatin kasar ya fada yau talata cewa an yi amfani da wani dan karamin kundun nukiliya, amma mai tsananin karfi, wajen gudanar da wannan gwaji na karkashin kasa. Yace an gudanar da wannan gwajin ne a saboda "mummunar kiyayyar" da Amurka take nuna musu.

    Ma’aikatar tsaron Koriya ta Kudu, wadda ta kara zaman shirin ko ta kwana na sojojinta, ta tabbatar da cewa da gaske ne an tayar da wani bam na nukiliya yau talata a kusa da inda Koriya ta Arewa ta gudanar da gwaje-gwajenta na baya.

    Babban sakataren Majalisar Dinkin Duniya, Ban Ki-moon, yayi gaggawar yin tur da wannan matakin da ya bayyana a zaman "na neman tayar da zaune-tsaye", yana mai bayyana shi a zaman keta takunkumin da kasashen duniya suka sanya ma kasar.

    Shugaba Barack Obama na Amurka, ya bayyana gwajin a zaman matakin mummunar tsokana, yana mai fadin cewa yin barazana ce ga tsaron Amurka da kuma zaman lafiyar duniya. Yayi kiran da kasashen duniya su dauki matakan gaggawa masu ma'ana da nagarta na mayar da martani.

    Wakilin Muryar Amurka a Tokyo, Steve Herman, yace ma’aikatar tsaron Koriya ta Kudu ta sanya ido domin ganin ko Koriya ta Arewa zata yi karin fashe-fashe ko harba makamai masu linzami.

    Jami’an diflomasiyya a Majalisar Dinkin Duniya sun ce za a yi zaman gaggawa na Kwamitin Sulhu yau talata da safiya a New York.
    An rufe wannan dandalin
    Yadda Ake Son Gani
    Sharhi/Ra'ayi
         
    by: kasimu usamatu Daga: kano
    27.02.2013 14:52
    miyasa Amurka take sa takunkumi a kasashen da bataso take barin kasashen turawa suke cin karensu ba babbaka

    Sauti

    • Shirin Dare
      Minti 30

      Shirin Dare

      A shirin namu na karfe 9 da rabi agogon Najeriya da Nijar, zaku ji labarai na...

    • Yau da Gobe
      Minti 30

      Yau da Gobe

      Yau da Gobe shiri ne mai inganta rayuwar matasa cikin fadakarwa da ilmantarwa da...

    • Shirin Rana
      Minti 30

      Shirin Rana

      Da karfe 4 na yamma agogon Najeriya da Nijar zaku iya jin rahotanni da labarai...

    • Shirin Hantsi
      Minti 30

      Shirin Hantsi

      Mu kan komo da karfe 8 na safe agogon Najeriya da Nijar domin sake gabatar muku...

    • Shrin Safe
      Minti 30

      Shrin Safe

      Kullum da karfe 6 na safe agogon Najeriya da Nijar muna gabatar da labarai da...

    Karin Bayani akan Shirya-shirye
    Lambobin bayyana ra'ayoyi a shirinmu na dare: +12022052655
    Lambar kira don bayyana ra'ayi ko yaushe ake so: +12022059942.
     
    Karin Bayani akan Shirya-shirye