Lahadi, Oktocba 26, 2014 Karfe 00:13

Afirka

'Yan Yawon Bude Idanu 19 Sun Mutu a Hadarin Jirgin Balon-Balo

Wani jirgin ‘yan yawo bude ido mai siffar balom-balo yayi hadari kusa da birnin Luxor a Masar, kuma ya kashe ‘yan yawon bude ido su 19 da suke ciki.

Samfurin jirgin balom-balo da ya fashe ran Fabrairu 26, 2013.Samfurin jirgin balom-balo da ya fashe ran Fabrairu 26, 2013.
x
Samfurin jirgin balom-balo da ya fashe ran Fabrairu 26, 2013.
Samfurin jirgin balom-balo da ya fashe ran Fabrairu 26, 2013.
WASHINGTON, D.C - Mutane biyu ciki harda matukin jirgin sun tsallake rijiya da baya, bayanda jirgin ya kama da wuta san nan yayi bindiga lokacin yana shawagi kamar mita 300 a sararin samaniya, a yammacin gabar tekun Nilu.

Jami’ai suka ce mamatan sun hada da ‘yan kasar Faransa, Britaniya, da kuma wasu kasashe.

Wuri da jirgin yayi hadari shine tsohon babban birnin Masar mai tarihi, wurin yana ganin tururuwar ‘yan yawon bude ido wadanda suke zuwa domin ganin dadaddun wuraren ibada, fadan sarakuna da kushewa, da suka hada da inda aka binne wani basarake ko fir’aunan nan da ake kira Tutankhamun.

Tun a skerarar 1979 hukumar kula da al’adu da harkokin gargajiya ta Majalisar Dinkin Duniya UNESCO ta ayyana wurin a matsayin wuri mai dumbin tarihi a duniya.

Audio Shirin Safe :         0500 - 0530 UTC

Audio Shirin Hantsi :      0700 - 0730 UTC

Audio Shirin Rana :        1500 - 1530 UTC

Audio Shirin Dare :         2030 - 2100 UTC

Lambobin bayyana ra'ayoyi a shirinmu na dare: +12026190548 ko kuma +12026190551.
Lambar kira don bayyana ra'ayi ko yaushe ake so: +12022059942.
 
Karin Bayani akan Sauti