Jumma’a, Fabrairu 12, 2016 Karfe 00:17

    Labarai / Kiwon Lafiya

    Cutar shan inna ta gurgunta yara hudu a jihar Zamfara

    Cutar shan inna ta gurgunta yara hudu daga kananan hukumomi uku na jihar Zamfara cikin watanni shidda da suka shige.

    Wata tana ba yara maganin cutar shan inna
    Wata tana ba yara maganin cutar shan inna

    Cutar shan inna ta gurgunta yara hudu daga kananan hukumomi uku na jihar Zamfara cikin watanni shidda da suka shige.

    Babban darektan kiwon lafiya matakin farko a Najeriya Dr. Ado Mohammed ne ya bayyana haka a Gusau shelkwatar jihar, yayin kaddamar da kamfen yaki da cutar shan inna, wanda ya sami halartar shugabannin addini da sarakunan gargajiya daga jihohi goma sha tara na arewacin kasar.

    Dr. Mohammed ya bayyana cewa, kananan yara hudu da suka gurgunta sakamakon kamuwa da cutar tsakanin watan Janairu zuwa yanzu, sun fito daga kananan hukumomin Bukkyum da Maru da kuma Zurma.

    Bisa ga cewarshi, an sami biyu a Maru yayinda aka sami daya a karamar hukumar Bukkyum daya kuma a Maru. Darektan lafiyan ya bayyana damuwa ganin yadda kananan yara suke ci gaba da rasa rayukansu da kuma nakasa ta dalilin kamuwa da cutar shan inna duk da yake ana iya shawo kanta.

    Ya kuma bayyana takaicin katse hanzarin kananan yara da cutar ke yi sakamakon rashin maida hankali wajen gangami da bada hadin kai tare a daukar kwararan matakan shawo kan cutar.

    A cikin jawabinsa, Sarkin Musulmi, Alhaji Sa’ad Abubakar ya jadada bukatar ganin sarakunan gargajiya da shugabannin addinai sun hada hannu wajen wayar da kan jama’a dangane da illar cutar shan inna. Ya kuma yi kira garesu, su bada gagarumin goyon baya domin ganin an cimma burin shawo kan cutar a kasar kafin karshen shekara ta dubu biyu da goma sha uku kamar yadda aka kiyasta.

    Watakila Za A So…

    Shirin Dare

    Shirin Dare

    A shirin namu na karfe 9 da rabi agogon Najeriya da Nijar, zaku ji labarai na yadda duniyar ta yini da rahotanni da dumi-duminsu, sannan mu kan bude muku layuka domin ku bugo ku bayyana mana ra’ayoyinku kan batutuwan da suka fi muhimmanci a wannan rana, ko kuma wadanda ke ci muku tuwo a kwarya.
    Shirin Rana

    Shirin Rana

    Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.
    Shirin Hantsi

    Shirin Hantsi

    Mu kan komo da karfe 8 na safe agogon Najeriya da Nijar domin sake gabatar muku da labarai da hirarraki, da sharhin jaridu kama daga Najeriya zuwa Nijar har Ghana, da kuma ra’ayoyinku.
    Shirin Safe

    Shirin Safe

    Kullum da karfe 6 na safe agogon Najeriya da Nijar muna gabatar da labarai da rahotanni da dumi-duminsu, sannan mu na gabatar da wasu shirye-shirye kamar Noma da Lafiya Uwar Jiki.

    An rufe wannan dandalin
    Yadda Ake Son Gani
    Sharhi/Ra'ayi
         
    by: jamilu muhammad
    31.07.2012 09:48
    Nan gaba ai ba yara kadai zasu kamu da ciwon shan inna a zamfaraba, har ma'aikatan gwamnatin jahar na dab da kamuwa in ba anyi musu rigakafin hakan ba.

    Sauti

    • Shirin Dare
      Minti 30

      Shirin Dare

      A shirin namu na karfe 9 da rabi agogon Najeriya da Nijar, zaku ji labarai na...

    • Yau da Gobe
      Minti 30

      Yau da Gobe

      Yau da Gobe

    • Shirin Rana
      Minti 30

      Shirin Rana

      Da karfe 4 na yamma agogon Najeriya da Nijar zaku iya jin rahotanni da labarai...

    • Shirin Hantsi
      Minti 30

      Shirin Hantsi

      Mu kan komo da karfe 8 na safe agogon Najeriya da Nijar domin sake gabatar muku...

    • Shirin Safe
      Minti 30

      Shirin Safe

      Kullum da karfe 6 na safe agogon Najeriya da Nijar muna gabatar da labarai da...

    Karin Bayani akan Shirya-shirye
    Lambobin bayyana ra'ayoyi a shirinmu na dare: +12022052655
    Lambar kira don bayyana ra'ayi ko yaushe ake so: +12022059942.
     
    Karin Bayani akan Shirya-shirye