Litinin, Agusta 31, 2015 Karfe 20:45

Labarai / Najeriya

Gwamna Adam Oshimole Ya Sami Gagarumar Nasara A Edo.

Bayan yakin neman zabe cike da hayaniya, da suka hada da zargin magudin zabe, jama'a a jihar Edo yanzu suna rawa da sowa akan tituna.

Kungiyar 'yan kwadago ta Najeriya suke maci. Kungiyar da Gwamna Oshimole yayi wa jagoranci a baya
Kungiyar 'yan kwadago ta Najeriya suke maci. Kungiyar da Gwamna Oshimole yayi wa jagoranci a baya
Aliyu Imam

Bayan yakin neman zabe cike da hayaniya, da suka hada da zargin magudin zabe, jama'a a jihar Edo yanzu suna rawa da  sowa akan tituna.

Hukumar zabe tace Gwamna mai ci Adam Oshimole, na jam'iyyar 'yan hamayya ya sami babban rinjaye  a zaben gwamna da aka yi ranar Asabar.

Masu fashin bake suka ce nasarar da 'yan hamayya suka yi a yankin da ya zame tamkar tungar  jam'iyyar dake mulkin kasar PDP, ba alama ce mai kyau ga shugaba Goodluck Jonathan ba.

Jiragen yaki masu saukar ungulu suna ta shawagai a wajajen rumfunan zabe jiya Asabar, da tsammanin za  a sami rikici. Dubban sojoji kuma suna sintiri kan tituna da kuma a rumfunan zabe. Amma ba a fuskanci wani tarzoma mai tsanani da aka sami labari ta auku ba.

A safiyar lahadin nan, bayan da aka bayyana sakamakon zaben gwamnan, mutane suka fantsama akan tituna suna rawa ana kuma ruwan sama.

Hukumar zabe ta Najeriya tace Gwamna Oshimole ya sami kashi 73.7 na yawan kuri'u da aka kada, ita kuma jam'iyyar PDP mai mulkin kasar ta sami kashi 22.3. Sauran kashi 4 da ya rage sauran jam'iyyu suka raba tsakaninsu.

Wani manomin doya da rogo, Emmanuel Igbinedon, yace wan nan zaben shine zakaran gwajin dafi a jihar ta Edo.

"Wan nan  zabe shine wanda aka gudnar cikin lumana fiyeda ko wanne da aka taba yi. "Kuma wan nan zabe ya koya mana darasin cewa ba a sayen kuri'a".

Kamin zaben, duka jam'iyun biyu suna ta zargin juna na kitsa magudi da tarzoma, wadanda  suka hada da hayan masu kisan gilla. Har zuwa lokacinda ake kidaya kuri'u ma, gwamnan jihar ya zargi hukumar zabe cewa da gangan ta makara kai kayan zabe da kuma cire sunayen masu zabe a kundin  sunayen masu kada kuri'a. Kuma tayi haka ne tareda hadin bakin jam'iyyar PDP mai mulkin kasar.

Wata kungiyar tallafi mai zaman kanta mai cibiya a Abuja tace tayi aiki da dubban masu aikin sa ido a jihar, wadanda suka  ce an sami nasarar a zaben da  aka gudanar da aka nuna  adalci, duk da 'yan matsaloli da aka fuskanta.

Da yake magana, babban darektan kungiyar Clement Nwankwo, yace sakamakon zaben wata babbar koma baya ce ga jam'iyyar dake mulkin Najeriya a tarayya, domin jihar Edo tana cikin yankin "kudu maso kudu", inda  daga yankin ne shugaba Jonatahan yake da  mafi yawan goyon baya.

"Nasarar da dan takarar ACN ya samu babba ce, kuma ta kasance manuniya kan zubewar farin jinin da  shugaba Jonathan yake da shi, inji Nwanko.

'Yan hamayya suka ce nasarar da aka samu ana jiya jingina ta kan wani hadin kai tsakanin 'yan hamayya, kuma sunyi alkawarin  zasu hada karfi wajen ganin sun kada Jam'iyyar PDP a zaben shugaban kasa, a 2015.

Watakila Za A So…

Yau da Gobe

Yau da Gobe

Yau da Gobe shiri ne mai inganta rayuwar matasa cikin fadakarwa da ilmantarwa da kayatarwa, ya kuma karfafa mu su samun kaifin fahimtar matsalolin da suka addabe su, suka dabaibaiye su a wannan zamani. Shirin Yau da Gobe na zuwa sau biyar a mako, Litinin zuwa Jumma’a, daga karfe 4 da rabi na yamma zuwa karfe 5! Yau da Gobe ya hada komai, daga filin dafe-dafen gargajiya, zuwa zauren matasa inda suke bayyana ra’ayoyin su daban-daban akan wasanni, da siyasa, da mu’amala ta samari da ‘yan mata, da fasaha, da filin kiwon lafiyar matasa.
Shirin Rana

Shirin Rana

Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.
Shirin Hantsi

Shirin Hantsi

Mu kan komo da karfe 8 na safe agogon Najeriya da Nijar domin sake gabatar muku da labarai da hirarraki, da sharhin jaridu kama daga Najeriya zuwa Nijar har Ghana, da kuma ra’ayoyinku.
Shrin Safe

Shrin Safe

Kullum da karfe 6 na safe agogon Najeriya da Nijar muna gabatar da labarai da rahotanni da dumi-duminsu, sannan mu na gabatar da wasu shirye-shirye kamar Noma da Lafiya Uwar Jiki.
Shirin Rana

Shirin Rana

Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.

An rufe wannan dandalin
Sharhi/Ra'ayi
     
Babu sharhi ko daya har yanzu a kan wannan dandalin, rubuta guda domin zamowa na farko

Ra’ayoyinku da 2015 Zabe

Yaya zabe yake gudana a wajen zaben ku?

Ku sanar da mu ta Facebook, da Twitter, da Instagram @voahausa sai a kara da wannan shadar ta #zaben2015.

#zaben2015

Muna bukatar hotuna da bidiyon garin ku, ko unguwar ku, da rumfunan zaben ku, da ma duk wani abun da ya shafi zabe tsakanin APC da PDP. Ku sanar da mu ta Facebook, da Twitter, da Instagram @voahausa sai a kara da wannan shadar ta #zaben2015.

Karin Bayani akan VOA Hausa Facebook