Jumma’a, Afrilu 29, 2016 Karfe 20:44

    Labarai / Kiwon Lafiya

    Gwamnatin Najeriya ta Bada Kyautar Maganin Cutar Kwalara ga Jihar Nasarawa

    Gwamnatin tarayyar Nijeriya ta bada kyautar magunguna ga gwamnatin jihar Nassarawa domin ta kare yaduwar cutar kwalara da zazzabin lassa a jihar.

    Ruwan sha mai tsabta
    Ruwan sha mai tsabta
    Gwamnatin tarayyar Nijeriya ta bada kyautar magunguna ga gwamnatin jihar Nassarawa domin ta kare yaduwar cutar kwalara da zazzabin lassa a jihar.

    Yayinda yake mika magungunan ga ma’aikatar lafiya ta lafia a madadin gwamnatin tarayya, babban mai binciken yaduwar cututtuka na Ma’aikatar lafiya ta tarayya Akin Oyemakinde yace kyautar magungunan wani yunkuri ne na gwamnatin tarayya domin kawas da yaduwar cutar kwalara da zazzabin lassa a jihar Nassarawa.

    Akin Oyemakinde, wanda ya jagoranci kungiya daga ma’aikatar lafiya ta gwamnatin tarayya zuwa jihar, ya baiyyana cewa sun je ne domin kawo daukin gaggawa, domin hana yaduwar cutar zuwa wasu sassa na jihar da kuma jihohin dake makwabtaka da jihar Nasarawa wanda ya zama abun damuwa ga gwamnatin tarayya.

    Ya kuma ce wannan kungiyar taje da manufar ganin irin daukin da jihar take bayaswa ga bullowar kwalara da kuma irin shirin da take da shin a hana yaduwar cutar, su kuma kara sa ido akan wannan matsalar. Ya kara da cewa, wani aikin wannan kungiya shine taimakon jihar don inganta shirinta domin sake barkewar cutar kwalara.

    Yayinda yake kira ga gwamnatin jihar ta fadakar da mutane musamman na karamar hukumomi kan hadarin kwalara, ya gargadi gwamnatin jihar ta karfafa aiyyukan taimako, tanajin ruwa mai kyau ga mutane da kuma bayanai kan tsabta, lafiya da yadda za’a shirya abinci mai tsabta.

    Shima da yake Magana a lokacin, Fatai Oyediran, wanda shine mataimakin direkta a ma’aikatar lafiya ta kasa ya lura cewa ma’aikatar ta koyar da kimanin ma’aikatan lafiya guda dari da suka hada da masu sa ido kan yanayin lafiya, masu allurar rigakafi musamman kan zazzabin lassa. Ya kuma kara da cewa horaswar ta bada kari ne kan koyawa ma’aikatan lafiya hanyoyin da zasu iya gane barkewar wadannan cututtuka da kuma irin daukin da zasu iya bayaswa.

    Yayinda yake yi wa gwamantin tarayya godiya, a nashi bayanin, kwamishinan lafiya na jihar Nassarawa, Emmanuel Akabe, wanda ya karbi magungunan a madadin gwamnatin jihar, ya baiyyana kyautar a matsayin wani babban taimako da zai kauda cutar kwalara da zazzabin lassa a jihar.

    Kwamishinan lafiya ya bayyana cewa gwamnatin jihar Nassarawa ta hada hannu da wata kungiyar kasar Amurka domin yin wani wurin yin bincike akan zazzabin lassa da kuma masassarar tsuntsaye wadda ya zuwa yanzu an rigaya an sa hannu a takardar fahimta.

    Wani ruhoto da gwamnatin jihar ta bayar ya nuna ya zuwa yanzu, an sami kimanin masu cutar kwalara 306 an kuma sami mace mace 16 a jihar. Ya kuma ci gaba da cewa an sami labarin barkewar kwalara na farko a jihar a Satumba 2013 a kananan hukumomin Akwanga, Wamba, Lafia, Awe, Obi da karu.

    “Magungunan da gwamnatin tarayya ta bayar sun hada da: ringers lactate, dextrose, calcium hypochloride, erythomycin, doxcycline capsule ORS da ribavarin," inji shi.

    Watakila Za A So…

    Sauti Najeriya Ba Zata Kara Kashe Kudi Ba Don Nemawa Jami’anta Magani A Kasar Waje

    Duk da yake kowanne dan kasa na da ‘yancin fita domin neman waraka daga cutar dake damunsa, babban abin takaici inji shugaban Najeriya Mohammadu Buhari, a ta bakin ministan lafiya, shine yadda yan kasar ke yin tururuwa a kasashen waje domin neman maganin rashin lafiya. Karin Bayani

    Sauti An Baiwa Babban Akanta Janar Na Jihar Bauchi Wa’adi Ya Biya Albashi

    Majalisar Dokokin jihar Bauchi ta baiwa babban akanta janar na jihar wa’adin mako guda daya biya dukkan ma’aikatan jihar da aka kammala aikin tantancesu albashi. Karin Bayani

    Sauti Anya Kuwa Rundunar Zaman Lafiya Dole Sun San Inda Aka Ajiye Yan Matan Chibok?

    Cikin watan Maris ne a cibiyar yaki da Boko Haram dake Maiduguri, kwamandan rudunar Zaman Lafiya Dole, Manjo Janar Leo Irabor, ya bayar da kwarin gwiwar karya lagon ‘yan ta’adda da nuna cewa za a kawo karshensu nan bada dadewa ba. Karin Bayani

    Sauti Boko Haram Na Shigar Da Makamansu Najeriya Ta Boyayyun Hanyoyi

    Tsohon hafsan rundunar sojan saman Najeriya, Aliko El-Rashid Harun, wanda kwararre ne kan sha’anin tsaro yace akan shigo da makamai ga yan Boko Haram cikin Najeriya ta kan iyakokin kasar, wanda ke da yawan gaske kuma ba a saka musu idanu. Karin Bayani

    Sauti Ra’ayoyin Yan Jihar Kaduna Game Da Wasu Dokoki A Jihar

    Wasu daga cikin yan jihar Kaduna da shugabannin al’umma na ci gaba da korafe korafe game da wasu daga cikin dokokin da gwamna mallam Nasiru El-Rufa’in jihar Kaduna yakai gaban Majalisa. Karin Bayani

    Sauti An Kai Hari A Garin Egrak A Jamhuriyar Nijar

    Wandansu mutane da ba a san ko suwaye ba sun kai hari a yammacin jiya, a wani kauye da ake kira Egrak, dake cikin jihar Tawa a kasar jamhuriyar NIjar. Karin Bayani

    An rufe wannan dandalin
    Sharhi/Ra'ayi
         
    Babu sharhi ko daya har yanzu a kan wannan dandalin, rubuta guda domin zamowa na farko

    Sauti

    • Yau da Gobe
      Minti 30

      Yau da Gobe

      Yau da Gobe

    • Shirin Rana
      Minti 30

      Shirin Rana

      Da karfe 4 na yamma agogon Najeriya da Nijar zaku iya jin rahotanni da labarai...

    • Shirin Hantsi
      Minti 30

      Shirin Hantsi

      Mu kan komo da karfe 8 na safe agogon Najeriya da Nijar domin sake gabatar muku...

    • Shirin Safe
      Minti 30

      Shirin Safe

      Kullum da karfe 6 na safe agogon Najeriya da Nijar muna gabatar da labarai da...

    • Shirin Dare
      Minti 30

      Shirin Dare

      A shirin namu na karfe 9 da rabi agogon Najeriya da Nijar, zaku ji labarai na...

    Karin Bayani akan Shirya-shirye
    Lambobin bayyana ra'ayoyi a shirinmu na dare: +12022052655
    Lambar kira don bayyana ra'ayi ko yaushe ake so: +12022059942.
     
    Karin Bayani akan Shirya-shirye