Talata, Satumba 30, 2014 Karfe 11:48

Sauran Duniya

Kungiyar Taliban Ta Dauki Alhakin Harin da aka kai Sansanin Sojojin Birtaniya a Afghanistan

Wani sojan Amurka yana sintiri inda mayaka suka kai hari a AfghanistanWani sojan Amurka yana sintiri inda mayaka suka kai hari a Afghanistan
x
Wani sojan Amurka yana sintiri inda mayaka suka kai hari a Afghanistan
Wani sojan Amurka yana sintiri inda mayaka suka kai hari a Afghanistan
Kungiyar Taliban ta dauki alhakin harin da aka kaiwa sansanin sojojin Birtaniya a Afghanistan da ya yi sanadin kashe mayakan ruwan Amurka biyu.

Kakakin kungiyar ya bayyana yau asabar cewa, harin martani ne dangane da silman da aka hada a Amurka, da ya yiwa annabi Mohammadu batanci, kuma sabili da yariman Birtaniya Harry yana aiki a sansanin.

Kungiyar tsaro ta NATO tace mayakan sun kutsa cikin sansanin Baston dake lardin Helmand jiya asabar da dare suka kai hari a sansanin ta wajen amfani da kananan makamai, da roka da kuma ‘yan kunar bakin wake.

Kungiyar NATO tace, mayaka 18 suka mutu a harin yayinda aka jiwa daya rauni aka kuma kama shi. An jiwa dakarun kasa da kasa da dama rauni.

Jami’ai sun ce Yarima Harry wanda shine na uku a matsayin sarautar Birtaniya, bai shiga wani hadari ba. An tura shi aiki a sansanin ne a matsayin matukin jirgi mai saukar angulu. Kungiyar Taliban ta yi alwashin kashe shi.

Sauti

Audio Shirin Safe :         0500 - 0530 UTC

Audio Shirin Hantsi :      0700 - 0730 UTC

Audio Shirin Rana :        1500 - 1530 UTC

Audio Shirin Dare :         2030 - 2100 UTC

Lambobin bayyana ra'ayoyi a shirinmu na dare: +12026190548 ko kuma +12026190551.
Lambar kira don bayyana ra'ayi ko yaushe ake so: +12022059942.
 
Karin Bayani akan Sauti