Litinin, Mayu 02, 2016 Karfe 11:41

    Labarai / Najeriya

    'Yan Najeriya Da Nijar Zasu Ga Khusufin Rana

    Ran Lahadi 3 Nuwamba, 2013 tun daga misalin Karfe 1:15pm na azahar za a fara ganin Khusufin Rana a fadin Najeriya da Nijar da sauran kasashen Afirka

    Yadda mutane a wasu sassan kasar Gabon zasu ga husufin ke nan, amma a Najeriya da Nijar, wata zai tare gefen rana ne kawai ba zai rufe ta gaba daya ba.
    Yadda mutane a wasu sassan kasar Gabon zasu ga husufin ke nan, amma a Najeriya da Nijar, wata zai tare gefen rana ne kawai ba zai rufe ta gaba daya ba.
    Idan Allah Ya kai mu ranar lahadi 3 ga watan Nuwamba, 2013 a bana, akwai gagarumin husufin rana da zai wakana da azahar, agogon Najeriya, wanda kuma za a iya ganinsa na lokaci mai tsawo a Najeriya da Nijar da sauran kasashen Afirka.

    Wannan daya ne kawai daga cikin abubuwa na ban mamaki da zasu wakana a sararin samaniyar wannan bangare namu na duniya a shekarar nan domin kuwa a cikin watan Disamba, za a fara ganin wata babbar bakuwar, watau tauraruwa Mai Wutsiya da aka sanya ma suna "Comet Ison" wadda zata yi watanni ana ganinta daga doron duniyar bil Adama, safe da kuma dare, kafin ta wuce can cikin sararin subhana nesa da Ranar bil duniyar bil Adama.

    Khusufin Rana da za a yi Lahadi 3 Nuwamba, zai fara daga karfe 11:05 agogon Najeriya a yankunan da suke gabashin Amurka, kuma zai bi ta kan tekun Atlantika zuwa Afirka har ya wuce zuwa Madagascar da gabas ta Tsakiya. Wuri na karshe da zai ga khusufin nan zai wakana da karfe 4:28 na la'asar agogon Najeriya a kuryar gabashin Afirka.

    Mutanen da suke dukkan kudancin Turai da kudancin Amurka ma zasu ga wani bangare na wannan khusufin, amma wurin da za a fi ganinsa baki daya, shi ne inda zai fara hawa doron kasa a yammacin kasar Gabon da misalin 2:45 na azahar agogon Najeriya.

    A Najeriya, za a fara ganin wannan khusufin ranar a lokuta dabam-dabam na ranar lahadi 3 Nuwamba, amma duk bambancin na 'yan mintoci ne. Alal ga misali, ga wanda yake zaune a garin Bauchi a Jihar Bauchi, za a fara ganin Khusufin Ranar da misalin karfe 1:10 na azahar. Khusufin zai kai makura daga nan Bauchi da karfe 2:44 na azahar, sannan zai gama bacewa baki daya da karfe 4:05 na la'asar. (Mai son sanin lokutan da za a fara gani, ko za a fi gani, ko za gama gani a garinsu, yana iya karawa ko rage 'yan mintoci cikin wannan lissafi, ko kuma ya tuntube mu don neman cikakken bayani).


    (Taswirar dake nuna wuraren da zasu ga khusufin rana da kuma lokutan ganin haka a agogon UTC)

    Khusufin Rana yana faruwa a duk lokacin da wata ya shige ta tsakanin duniya da rana, a daidai lokacin kamawar sabon wata. Akwai khusufi kala uku: mai gaba daya, da wanda ke kama gefe, da kuma wanda ke sanya ganin inuwa kawai, amma ba ya rufe ranar.

    Khusufin wata kuma, yana faruwa idan duniya ta shiga tsakanin rana da wata a lokacin da wata yake cike a sama, watau dai da misalin tsakiyar kamawar wata.

    Ana iya gano lokutan da Khusufi na Rana ko na Wata zai faru ne a saboda ana iya auna saurin juyawar duniya da wata da yadda suke kewaya rana.

    HATTARA: A yi hattara sosai wajen kallon Khusufi, domin kallon rana da idanu haka kawai ba tare da tabaro baki sosai ba, zai iya makanta mutum. A tabbatar sai rana ta gama rufewa baki daya kafin a ce za a kalle ta

    Idan ana neman karin bayani, ana iya aiko mana da sako ta email (iahmed@VOANews.com)

    Watakila Za A So…

    Bam ya tashi gaban hedkwatar 'yansanda Gaziantep dake Turkiya

    Bam ya tarwatsa wata mota gaban hekwatar rundunar 'yansandan kudu maso gabashin birnin Gaziantep dale kasar Turkiya inda ya kashe akalla 'yansanda biyu ya kuma jikata kijata wasu mutane 22 kamar yadda gwamnan yakin ya sanar. Karin Bayani

    Mayakan al-Shabab sun hallaka sojojin Somalia 32

    Mayakan al-Shabab sun kai hari kan wani gari a tsakiyar yankin Shabelle dake kasar Somali jiya Lahadi da safe sun kuma sake cafke garin. Karin Bayani

    Trump ne ke kan gaba a jihar Indiana cikin 'yan Republican

    Wani sabon bin ra'ayin masu kada kuri'a da aka yi a nan Amurka ranar Lahadi ya nuna Donald Trump hamshakin attajirin nan na jam'iyyar Republican dake kan gaba a zaben fidda gwani yana kara kutsawa gaba gaba a jihohin tsakiyar kasar kamar jihar Indiana inda zasu gudanar da zabe gobe. Karin Bayani

    Matar tsohon shugaban Ghana zata tsaya takarar shugaban kasar

    Jam'iyyar adawar kasar Ghana National Democratic Party ko NDP ta tsayar da matar tsohon shugaban kasar Nana Konadu Agyeman-Rawlings a matayin 'yar takararta a zaben shugaban kasar da za'a yi. Karin Bayani

    Sauti Rikici ya raba jam'iyyar PDP gida biyu a jihar Adamawa

    Wata sabuwar badakala ta kunno kai a jam'iyyar PDP game da zaben matakin anguwanni a jihar Adamawa lamarin da ya sa ta rabe gida biyu. Karin Bayani

    Sauti PDP ta tura mukamin dan takarar shugaban kasa arewa a zaben 2019

    Jam'iyyar PDP ta amince zata tura mukamin dan takarar shugaban kasa zuwa arewa a zaben 2019 idan Allah ya kaimu har da ma na shugaban jam'iyyar Karin Bayani

    An rufe wannan dandalin
    Sharhi/Ra'ayi
         
    Babu sharhi ko daya har yanzu a kan wannan dandalin, rubuta guda domin zamowa na farko

    Sauti

    • Shirin Hantsi
      Minti 30

      Shirin Hantsi

      Mu kan komo da karfe 8 na safe agogon Najeriya da Nijar domin sake gabatar muku...

    • Shrin Safe
      Minti 30

      Shrin Safe

      Kullum da karfe 6 na safe agogon Najeriya da Nijar muna gabatar da labarai da...

    • Shirin Rana
      Minti 30

      Shirin Rana

      Da karfe 4 na yamma agogon Najeriya da Nijar zaku iya jin rahotanni da labarai...

    • Shirin Hantsi
      Minti 30

      Shirin Hantsi

      Mu kan komo da karfe 8 na safe agogon Najeriya da Nijar domin sake gabatar muku...

    • Shirin Safe
      Minti 30

      Shirin Safe

      Kullum da karfe 6 na safe agogon Najeriya da Nijar muna gabatar da labarai da...

    Karin Bayani akan Shirya-shirye
    Lambobin bayyana ra'ayoyi a shirinmu na dare: +12022052655
    Lambar kira don bayyana ra'ayi ko yaushe ake so: +12022059942.
     
    Karin Bayani akan Shirya-shirye