Talata, Mayu 03, 2016 Karfe 09:43

    Labarai / Sauran Duniya

    Yarjejeniyar Tsagaita Wuta Tsakanin Isra'ila Da Hamas Ta Fara Aiki

    Sakatariyar Harkokin Wajen Amurka Hillary Clinton da takwaranta na kasar Misra  Mohammed Kamel Amr,
    Sakatariyar Harkokin Wajen Amurka Hillary Clinton da takwaranta na kasar Misra Mohammed Kamel Amr,

    Yarjejeniyar tsagaita wuta  tsakanin Isra’ila da Gaza da aka cimma karkashin jagorancin kasar Misra ta fara aiki a daren jiya Laraba, sai dai kafin nan saida aka sake yin musayar wuta tsakanin dakarun Isra’ila da mayakan Hamas dake jagorantar garin na Palasdinawa.

    Mutanen garin Gaza sun shiga tituna suna murna. An ji karar bindiga da aka rika harbawa a iska na nuna farinciki.

    Ministan harkokin kasashen ketare Mohammed Kamel Amr ne ya sanar da yarjejeniyar a birnin Alkahira Sakatariyar harkokin wajen Amurka Hillary Clinton kusa da shi, kasa da sa’oi biyu kafin karfe tara na dare agogon kasar lokacin da wa’adin tsagaita wutan da aka debar masu zai cika.

    Sharuddan tsagaita wutan sun hada da sassan biyu su daina kai hare hare, a kuma bude kan iyakar Gaza domin safarar kaya da kuma walwalar jama’a. Za a bada damar sa’oi 24 na aiwatar da yarjejeniyar tsagaita wutar. Misira zata sa ido kan sassan biyu domin ganin an aiwatar da yarjejeniyar.

    An cimma matsayar ne sa’oi bayan gagarumin yunkurin diplomasiya da ya
    Hada da Clinton, da kuma Babban magatakardan Majalisar Dinkin Duniya Ban Ki-moon.

    Clinton ta bayyana yarjejeniyar a matsayin “wani lokaci mai muhimmanci a yankin.” Ta kuma yabawa sabuwar gwamnatin kasar Misira domin taka muhimmiyar rawa a wannan yunkurin da kuma alkawarin da gwamnatin tayi na hada hannu da Washington wajen ganin cewa an kiyaye yarjejeniyar.

    Da yake magana a birnin Alkahira, shugaban kungiyar Hamas Khaled Meshaal yace Isra’ila ta amince da sharudan Hamas na yarjejeniyar. Ya bayyana hare haren sararin sama da Isra’ila ta kai a matsayin wani “hakar” da bata cimma ruwa ba.

    A birnin Kudus, Firai Ministan Isra’ila Benjamin Netanyahu ya godewa Clinton da shugaban Amurka Barack Obama sabili da yunkurinsu ya kuma ce Isra’ila zata nemi ganin an sami zaman lafiya mai dorewa tare kuma da ci gaba da daina musayar wuta.

    Ministan tsaron kasar Isra’ila Ehud Barak ya kuma ce, Isra’ila ta cimma galibin gurorinta, ta lalata rokoki da kai hari a mafakar Hamas. Ya kuma bayyana cewa, makaman kakkabo harsasai masu linzaminta sun kakkabo sama da rokoki 500 da aka harba zuwa cikin kasar daga zirin Gaza.

    Sanarwar da fadar White House ta bayar tace shugaba Obama ya yabawa Firai Ministan Isra’ila “yayinda ta jadada cewa Isra’ila tana da ‘yancin kare kanta.”

    Watakila Za A So…

    Shugaba Obama yace tun ranar da ya kama mulki ya kuduri aniyar kashe Osama Bin Laden

    Matakin farautar kashe shugaban kungiyar ta’addar Al-Qaida Osama Bin Laden shine a sahun gaba na abubuwan dana kuduri aniya yi tun lokacin da na zama Shugaban kasar Amurka. Karin Bayani

    Trump ne ke kan gaba a jihar Indiana a zaben fidda gwani na Republican

    Dan takar neman jam’iyyar Republican ta tsayar da shi takarar shugabancin Amurka na sahun gaba Donald Trump, yana haramar fuskantar daya daga zabukan fidda gwani mai wahala, wato zaben na jihar Indiana. Karin Bayani

    'Yan Shi'a sun janye zanga zangarsu a Bagdaza

    A jiya Litinin kura ta lafa a birnin Bagdaza, biyo bayan tarin masu zanga-zangar da suka mamaye wata unguwar da ke da ofisoshin kasashen duniya tun ranar Asabar. Karin Bayani

    'Yan adawan Venezuela na cigaba da kokarin tsige shugaban kasar

    ‘Yan adawan kasar Venezuela sun ce sun shigar da koke ga hukumar zaben kasar game da kiran a yi zaben raba gardama a duk fadin kasar don neman tsige shugaban kasar Nicolas Maduro. Karin Bayani

    Amurka da Rasha su daidaita lamura tsakaninsu a yankin Baltics -Admiral Richardson

    Shugaban sojin ruwan Amurka yace, Amurka da Rasha na bukatar daidaita alakar da ke tsakaninsu a yankin Baltics don kaucewa yiwuwar mummunar arangamar jiragen saman yakin Rasha da jirgin ruwan Amurka. Karin Bayani

    Jami'an Kenya sun kama mai ginin da ya rushe ya hallaka mutane

    Jami’ai a kasar Kenya sun kama wanda yake da mallakar gininda ya rushe ranar Juma’ar data gabata a babban birnin kasar Nairobi, wanda ya zuwa yanzu yawan wadanda suka mutu ya kai mutane 21. Karin Bayani

    Sauti

    • Shirin Hantsi
      Minti 30

      Shirin Hantsi

      Mu kan komo da karfe 8 na safe agogon Najeriya da Nijar domin sake gabatar muku...

    • Shirin Safe
      Minti 30

      Shirin Safe

      Kullum da karfe 6 na safe agogon Najeriya da Nijar muna gabatar da labarai da...

    • Shirin Dare
      Minti 30

      Shirin Dare

      A shirin namu na karfe 9 da rabi agogon Najeriya da Nijar, zaku ji labarai na...

    • Yau da Gobe
      Minti 30

      Yau da Gobe

      Yau da Gobe shiri ne mai inganta rayuwar matasa cikin fadakarwa da ilmantarwa da...

    • Shirin Rana
      Minti 30

      Shirin Rana

      Da karfe 4 na yamma agogon Najeriya da Nijar zaku iya jin rahotanni da labarai...

    Karin Bayani akan Shirya-shirye
    Lambobin bayyana ra'ayoyi a shirinmu na dare: +12022052655
    Lambar kira don bayyana ra'ayi ko yaushe ake so: +12022059942.
     
    Karin Bayani akan Shirya-shirye