Dan wasan Real Madrid Vinicius Junior ya ji rauni a kafarsa ta hagu yayin da Brazil ke karawa da Colombia a wasan neman gurbin shiga gasar kofin duniya.
Vinicius ya ji raunin ne a ranar Juma’a inda Colombian ta lallasa Brazil da ci 2-1.
Hakan ya sa dole aka canja shi a wasan tun kafin a tafi hutun rabin lokaci.
Kungiyarsa ta Madrid ta ce gwajin da aka masa a ranar Asabar ya nuna cewa Vinicius ya yada jijiyarsa ne.
Kungiyar ta Madrid ba ta ba da takamaiman lokacin da Vinicius zai kwashe yana jinya ba, amma irin wannan raunin kan dauki dan wasa watanni biyu kafin ya warke.
Madrid dai t riga ta kai matakin kwaf daya a gasar Zakarun Nahiyar Turai.
Akwai tazarar maki biyu tsakaninta da Girona mai jan teburin gasar ta La Liga bayan zagaye 13 da aka yi a gasar ta Sifaniya.
Dandalin Mu Tattauna