Accessibility links

Turai Tace Kasashenda Ke Cikin Kungiyar MAsu Aiki Da Kudin Euro Suna Fuskantar Koma Bayan Tattalin Arziki


Ƙungiyar tarayyar turai tayi kukan cewar ƙasashen turai goma sha biyar dake amfani da takardun kuɗi na euro na fuskantar matsalar koma bayan tattalin arziki, a dai dai lokacin da shugabannin ƙasa da ƙasa ke haɗuwa a nan birnin Washington DC domin tattauna matsalar da tsarin tattalin arzikin ƙasashen duniya ke fuskanta da hanyar warware matsalar.

Ƙungiyar Tarayyar turai tace an sami koma baya sosai a ƙasashen dajke amfani da euro da kashi biyu daga cikin goma na hada-hadar da aka saba yi a sulusin shekarar nan, saboda koma bayan da ake samu a harkokin cinikayya da durƙushewar kasuwannin hannayen jari.

Ita ma Hong Kong ta bada sanarwar faɗawa cikin layin masu fuskantar talauchi a tsarin tattalin arzikinta. A halin da ake ciki, an kammala shirye-shiryen karɓar baƙuncin shugabannin ƙasashen turan a fadar shugaban Amurka ta White House inda shugaba Bush zai masu tarba ta alfarma a daren yau. A gobe Asabar dce za’a fara taron ƙolin.

XS
SM
MD
LG