WASHINGTON DC —
Allah ya yiwa tsohon gwamnan jihar Neja Injiniya Abdulkadir Kure rasuwa a kasar waje jiya Lahadi
Kwamishanan yada labaran jihar Mr. Jonathan Batsa shi ya fitar da sanarwar wada kuma shi ya sanya mata hannu. Gwamnatin jihar ta bayyana rasuwar tsohon gwamnan a matsayin wani babban rashi ga kasar.
Za'a yi zaman makoki na kwana ukku a duk fadin kasar har zuwa ranar da za'a kawo gawar marigayin .
Ranar da za'a kawo gawar gwamnatin jihar tace babu aiki domin a karrama mamacin da kuma ba kowa damar kasancewa wurin jana'izar.
Ga rahoton Mustapha Nasiru Batsari da karin bayani.
