Har Yanzu Birnin Bouake Na Hannun 'Yan Tawayen Ivory Coast

An ji karar harbe harben bindigogi a yau Litinin a Bouake, birni na biyu mafi girma a kasar da kuma wasu barikokin soji na Abidjan, babban birnin kasar, sai dai har izuwa yanzu babu wani rahoton rasa rayuka.

Yanzu haka gwamnatin Ivory Coast ta kaddamar da shirin kwato biranin Bouake da karfin Soji inda aka kashe wani mutum farin hula jiya Lahadi, yayinda wasu mutane 20 suka jikkata sakamakon bijirewa gargadin ‘yan tawayen na cewa kowa ya zauna gidansa, kada ya fita. Mayakan ‘yan tawayen sun kwace birnin na Bouake a ranar Juma’a da ta gabata.