WASHINGTON, D. C. - Fidan ya bayyana hakan ne a wani taron manema labarai na hadin gwiwa da ministan harkokin wajen Indonesia Retno Marsudi a Ankara babban birnin kasar Turkiyya, inda ya ce "Bayan kammala rubutun aikinmu na doka, za mu gabatar da sanarwar shiga tsakani a hukumance a gaban kotun ICJ da nufin aiwatar da wannan shawarar ta siyasa."
"Turkiyya za ta ci gaba da tallafa wa al'ummar Palasdinu a kowane hali," in ji shi.
Kotun ta ICJ ta umurci Isra'ila a watan Janairu da ta guji duk wani abu da ka iya fadawa karkashin rukunin kisan kare dangi da kuma tabbatar da cewa sojojinta ba su aikata kisan kare dangi a kan Falasdinawa ba, bayan da Afirka ta Kudu ta zargi Isra'ila da kisan kare dangi a Gaza.
A cikin watan Janairu, Shugaba Tayyip Erdogan ya ce, Turkiyya na ba da takardun shaida a kotun ICJ, wadda aka fi sani da kotun duniya.
Isra'ila da kawayenta na Yamma sun bayyana zargin a matsayin mara tushe. Hukuncin karshe dai kan shari'ar da ICJ ke yi kan karar da Afirka ta Kudu ta shigar a birnin Hague na iya daukar shekaru.
-Reuters
Dandalin Mu Tattauna