Accessibility links

Yau Shugaba Buhari Ya Gana da Shugaban Amurka Obama


Shugaban Najeriya Muhammad Buhari da shugaban Amurka Barack Obama yau Yuli 20, 2015 yayin da suke ganawa.

Shugaban Najeriya Muhammad Buhari da shugaban Amurka Barack Obama yau Yuli 20, 2015 yayin da suke ganawa.

A yau shugaban Amurka Barack Obama na karbar bakuncin takwaran aikinsa na Najeriya, Muhammadu Buhari, inda za su tattauna a Fadar White House.

Wannan ziyara na zuwa ne a daidai lokacin da kungiyar Boko Haram mai ta da kayar baya ke ci gaba da zama karfen kafa a Najeriyar, wanda lamari ne da zai mamaye tattaunawar kasashen biyu.

Ana sa ran Shugabannin biyu tare da mataimakin shugaban Amurka Joe Biden, za su tattauna yadda za a samar da sauyi ga siyasa da tattalin arzikin Najeriya, da zimmar dakile matsalar cin hanci da rashawa a kasar.

Wanna ziyara, wacce zai kwashe kwanaki hudu yana yi, ta kasance ta farko tun bayan da Shugaba Buhari ya lashe zabe a watan Maris.

Fadar White House dai ta jaddada cewa, wannan ziyara wani mataki ne na karfafa dangantakar Amurkan da Najeriya.

XS
SM
MD
LG