Asabar, Yuli 04, 2015 Karfe 07:58

Afirka

Shugaban kasar Mauritania Zai Sake Komawa Faransa

Shugaba Mohamed Ould Abdel Aziz zai je birnin Paris domin ya kara ganin likitoci game da raunukan da ya samu sanadiyar harbin shi a kwanakin baya

Shugaban kasar Mauritania Mohamed Ould Abdel Aziz Shugaban kasar Mauritania Mohamed Ould Abdel Aziz
x
Shugaban kasar Mauritania Mohamed Ould Abdel Aziz
Shugaban kasar Mauritania Mohamed Ould Abdel Aziz
Halima Djimrao-Kane
Shugaban kasar Mauritania Mohamed Ould Abdel Aziz ya sake komawa kasar Faransa domin ya kara ganin likitoci sanadiyar raunukan da yayi bayan harbin shi da aka yi da bindiga a watan Oktoba.

A wani taron da yayi da manema labarai da yammacin alhamis Mr. Aziz ya ce zai yi kwana biyar zuwa goma a birnin Paris inda za a yi mi shi wasu gwaje-gwaje a asibiti.
Kasa da mako daya kenan da ya koma gida Mauritania daga kasar Faransa bayan harbin da daya daga cikin sojojin shi ya yi mi shi da bindiga a cikin watan oktoba, cikin wani al’amarin da gwamnatin kasar ta ce tsautsayi ne.

A yayin taron na manema labarai, haka kuma Mr.Aziz ya yi kashedi game da kai gudunmowar sojoji makwafciyar kasar Mali inda watanni da dama kenan da ‘yan tawaye masu alaka da al-Qaida su ka kama arewacin kasar kuma su ka kafa tsarin mulkin Shari’ar Islama.

Mr.Aziz ya ce gudunmowar sojojin kasashen wajen na iya haifar da wani munmunan abun da zai biyo baya.

Kamfanin dillancin labaran kasar Faransa ya ce, Mr.Aziz ya yi kashedin cewa gudunmowar sojojin kasashen waje za ta sa ‘yan yankin arewacin Mali su ji kamar barazana ake yi mu su, saboda haka sai ta yiwu su hada kai da ‘yan ta’adda a yankin.

Kungiyar kasashen Afirka da kungiyar ci gaban tattalin arzikin kasashen yammacin Afirka ECOWAS ko CEDEAO sun cimma jituwa kan wani shirin tura sojoji kasar Mali.

Amma a cikin wani rahoton da babban magatakardan Majalisar Dinkin Duniya, Ban Ki-moon ya gabatarwa Kwamitin Sulhun Majalisar a ranar laraba, ya fada cewa da sauran wasu muhimman matsaloli game da dorewar aikin da zai sa a tura sojojin. Haka kuma babban magatakardan na Majalisar Dinkin Duniya ya yi kashedin cewa rashin yin aikin da kyau sosai na iya ta’azzara halin tagayyarar bil Adama a kasar Mali kuma ya kai ga buda kafar aikata munmunan cin zalin tauye hakkokin bil Adama.

Watakila Za A So…

Shirin Safe

Shirin Safe

Kullum da karfe 6 na safe agogon Najeriya da Nijar muna gabatar da labarai da rahotanni da dumi-duminsu, sannan mu na gabatar da wasu shirye-shirye kamar Noma da Lafiya Uwar Jiki.
Shirin Dare

Shirin Dare

A shirin namu na karfe 9 da rabi agogon Najeriya da Nijar, zaku ji labarai na yadda duniyar ta yini da rahotanni da dumi-duminsu, sannan mu kan bude muku layuka domin ku bugo ku bayyana mana ra’ayoyinku kan batutuwan da suka fi muhimmanci a wannan rana, ko kuma wadanda ke ci muku tuwo a kwarya.
Shirin Rana

Shirin Rana

Da karfe 4 na yamma agogon Najeriya da Nijar zaku iya jin rahotanni da labarai da dumi-duminsu daga kowace kusurwa ta duniya, musamman ma dai muhimman abubuwan da suka faru, ko suke faruwa a kusa da ku a wannan rana.
Shirin Hantsi

Shirin Hantsi

Mu kan komo da karfe 8 na safe agogon Najeriya da Nijar domin sake gabatar muku da labarai da hirarraki, da sharhin jaridu kama daga Najeriya zuwa Nijar har Ghana, da kuma ra’ayoyinku.

An rufe wannan dandalin
Sharhi/Ra'ayi
     
Babu sharhi ko daya har yanzu a kan wannan dandalin, rubuta guda domin zamowa na farko

Audio Shirin Safe:       1530 - 1600 UTC

Audio Shirin Hantsi:    1530 - 1600 UTC

Audio Shirin Rana:       1530 - 1600 UTC

Audio Shirin Dare:       1530 - 1600 UTC

Audio Yau da Gobe:       1530 - 1600 UTC

Karin Bayani akan Sauti