Laraba, Mayu 04, 2016 Karfe 22:09

    Labarai / Afirka

    Shugaba Mohammed Morsi Ya Tsaya kan Bakarsa

    Shugaban yace ba zai yarda da kashe-kashe ko makarkashiya ba, ya kuma ce ‘yan daba karnukan farautar wasu su na ta kitsa haddasa fitina a kasar.

    Shugaba mohammed Morsi yana jawabi ta telebijin ga al'ummar Misra ran alhamis 6 Disamba, 2012
    Shugaba mohammed Morsi yana jawabi ta telebijin ga al'ummar Misra ran alhamis 6 Disamba, 2012
    Shugaba Mohammed Morsi na Misra, yace ba zai yarda da kashe-kashe ko makarkashiya ba, ya kuma ce ‘yan daba karnukan farautar wasu su na ta kitsa haddasa fitina a kasar. Shugaba Morsi yayi magana ne jiya alhamis ta telebijin na kasar a yayin da zanga-zangar nuna kin-jinin gwamnati ke kara kamari a al-Qahira.

    Shugaba Morsi ya bayyana takaicin mutanen da aka kashe da wadanda suka ji rauni a wannan tashin hankali, yayin da ya dage cewa tattaunawa ce kawai zata kai ga warware rikicin tsarin mulki na kasar.

    Yace an kashe mutane 7 a tashin hankali cikin dare a kofar fadar shugaba, yayin da wasu fiye da 700 suka ji rauni. Yace an kama mutane 80 a saboda aikata laifuffuka ciki harda amfani da bindigogi, har ma ya bayyana wasu daga cikin wadanda aka kama a zaman mutanen da aka biya kudi domin su tayar da fitina.

    Har ila yau shugaban ya bayyana cewa daga gobe asabar za a kaddamar da abinda ya kira “cikakkiyar tattaunawa mai ma’ana da amfani” da shugabannin ‘yan hamayya, da nufin kaucewa karin tashin hankali kafin kuri’ar raba-gardamar da za a jefa kan sabon tsarin mulki a ranar 15 ga watan nan na Disamba. Ba a san ko shugabannin hamayyar zasu halarci wannan tattaunawa ba.

    Shugaba Barack Obama na Amurka yayi magana da shugaba Morsi ta wayar tarho jiya alhamis domin bayyana damuwa kan mace-mace da raunuka a lokacin zanga-zangar. Wata sanarwar fadar White House ta kuma ce Mr. Obama yayi kira ga dukkan shugabannin siyasa na Masar da su bayyanawa magoya bayansu a fili cewa ba za a yi na’am da tayar da hankali ba.
    An rufe wannan dandalin
    Sharhi/Ra'ayi
         
    Babu sharhi ko daya har yanzu a kan wannan dandalin, rubuta guda domin zamowa na farko

    Sauti

    • Shirin Dare
      Minti 30

      Shirin Dare

      A shirin namu na karfe 9 da rabi agogon Najeriya da Nijar, zaku ji labarai na...

    • Yau da Gobe
      Minti 30

      Yau da Gobe

      Yau da Gobe

    • Shirin Rana
      Minti 30

      Shirin Rana

      Da karfe 4 na yamma agogon Najeriya da Nijar zaku iya jin rahotanni da labarai...

    • Shirin Hantsi
      Minti 30

      Shirin Hantsi

      Mu kan komo da karfe 8 na safe agogon Najeriya da Nijar domin sake gabatar muku...

    • Shrin Safe
      Minti 30

      Shrin Safe

      Kullum da karfe 6 na safe agogon Najeriya da Nijar muna gabatar da labarai da...

    Karin Bayani akan Shirya-shirye
    Lambobin bayyana ra'ayoyi a shirinmu na dare: +12022052655
    Lambar kira don bayyana ra'ayi ko yaushe ake so: +12022059942.
     
    Karin Bayani akan Shirya-shirye