Laraba, Mayu 04, 2016 Karfe 12:41

    Labarai / Najeriya

    Dan Sandan Najeriya Ya Fasa Kwai - Kashi na Biyu

    A cigaba da firarsu dansandan Mopol din nan ya nuna cewa mugun kuskure ne mutum ya kai kuka akan rashin adalcin shugabanninsu da zaluncin da su keyi gaban hukumarsu domin za'a azaftar da mutum a ce ya tonawa manyansa asiri.

    Yayin da shugabanninsu na can koli ke zaluntarsu wasu na tsakiya suna jin tausayi kuma su kan fitar da kudin kansu su basu domin su ci abinci. Suma suna bakin cikin irin ukubar da suke sha a dajin Borno. Yace babu abun da ba zasu iya yi ba amma wa zai fito da aminci da adalci. Duk cikin shugabanninsu wanene zai fito ya nuna bakin ciki akan abubuwan dake faruwa a kasar. Kananan yansanda a jihar Borno babu inda zasu kai kukansu yau. Yace suna cikin wahala. Sun yi kuka har ya ishesu. Sai dai Allah Ya dauki fansa.

    Shugabannin arewa basu taso su taimaki jama'arsu ba. An bar mutane kara zube. Dole su shiga wata hanya da bata kan kaida. Arewa tana lalacewa kuma ita ma kasar zata bi sawu. An dauko sojojin kasashen waje su yi yaki a Najeriya. Amma ga kayan aiki sun ki su na gida su yi aiki. Shin wai ana son su kama 'yan ta'adan ne da hannayensu. Idan ba'a basu kayan aiki ba babu abun da zasu iya yi. Yace idan aka shiga barikin 'yansandan jihar Borno za'a tarar da kayan aiki a zube amma wanene zai bayar da su a yi aiki. Sai dai a jira mutane su mutu kana a gayawa gwamna ana bukatar kaza. Idan an karba kuma ba za'a bayar ba.

    A firar da gwamnan yayi yace duk wani jami'in tsaro da ya rasa ransa akan ba iyalansa nera miliyan guda. Shi Mopol yace gaskiya ne gwamnan yana bayar wa kuma yana sa ido ya tabbatar kudin ya kai wurin iyalan. Yace gwamnan yana kokari.

    Mopol ya jaddada cewa a basu kayan aiki a ga abun da zai faru. Allah muke bautawa zai yi taimako. Yace wahalar da suke ciki Allah ne Ya barsu cikinta domin rashin gaskiyar shugabanninsu.

    Akan dalilin da yasa ba za'a basu kayan aiki ba sai Mopol yace ba zasu bayar ba domin shugabanninsu suna son su je yaki ba kayan aiki su mutu domin a ci dukiya a kansu. Hatta kayan jiki na sawa da aka kawo shugabanninsu sun hana na kasan. Wadanda suke aiki cikin ofis aka ba amma wadanda ke bakin daga ba za'a basu ba. Daga baya kuma an nuna a telibijan cewa an ba kowa rigunan aiki.

    Bayan jin wannan ne, Sashen Hausa na Muryar Amurka ya tuntubi tsohon Sfeto Janar na 'yan Sandan Najeriya Muhammadu Gambo Jumeta, wanda yace wannan lamari na ta'addanci bakon abu ne ga 'yan sanda. 

    JUMETA: Tun ma basu fara magana ba, mu mun gani. Munyi nazarin abubuwan da yawa kullum, mun gani cewa ba yau ba, an dade, wato suna cikin wani hali wanda yake, babu wanda ke ji musu cewa ko sauraron koke-kokensu, sun kansu ‘yan sanda da kuma soja. Tunda kuma aka fara abunnan, wadannan koke-koken, suna nan ana ta yinsu, amma wato a samu a magantasu, babu saurin da ake bukata.


    Wannan shine kashi na biyu na hira da Muryar Amurka yayi da dan sanda. A kwanaki masu zuwa, zamu kawo ragowar hirar. 
     

    Watakila Za A So…

    Sauti Albani akan sugabancin Buhari

    Marigayi Shaikh Muhammad Awal Albani ya yi furuci akan shugabancin Buhari tun kafin ma a zabeshi, abun da yau ya zama tamkar duba Karin Bayani

    Nasarar Trump a Indiana ta sa Cruz janyewa daga takarar shugaban kasa a jam'iyyar Republican

    Senata Ted Cruz, mai wakiltar jihar Texas a majalisar dattawan Amurka ya janye daga takarar shugabancin Amurka, bayanda attajirin nan Donald Trump yayi masa mummunar kaye a zaben fidda gwani da aka yi a jihar Indiana, jiya Talata. Karin Bayani

    'Yan jarida na fuskantar barazana ga aikinsu da rayuwarsu a Sudan ta Kudu

    Jiya Talata da aka yi bikin ranar 'yan jarida ta duniya rahotanni sun nuna cewa Sudan ta Kudu ita ce kasa ta 140 cikin 180 a duniya kan 'yancin aikin jarida musamman wurin neman tantance labari daga jami'an gwamnati Karin Bayani

    Kwamitin sulhu na Majalisar Dinkin Duniya zai zauna yau akan rikicin Syria

    Kwamitin sulhu na Majalisar Dinkin Duniya ko MDD zai zauna yau da rana domin ya saurari bayanai dangane da halin da ake ciki a Syria, bayan da aka kwashe mako da barkewar sabuwar tarzoma, musamman a birnin Aleppo,birni na biyu a kasar. Karin Bayani

    Farmakin ISIS kan kurdawa a Iraqi ya halaka jami'in sojin Amurka daya

    Amurka da kawayenta suna tsammanin irin farmakin da mayakan ISIS suka kaddamar jiya Talata a a rewacin Iraqi, suka wargaza kan mayakan kurdawa da ake kira Peshmerga na wani dan gajeren lokaci, al'amari da ya janyo mutuwar sojan Amurka na musamman daya. Karin Bayani

    Sauti PDP ta kira gwamnatin APC dake mulkin Najeriya ta sake salon tafiya

    Babbar jami'yyar adawa a Najeriya PDP na ganin babu wani abun a zo a gani da gwamnatin APC tayi tunda ta kama mulkin kasar cikin shekara daya da ta wuce idan aka kwatanta da kalamun shugaba Buhari yainda yake fafutikar neman zabe Karin Bayani

    An rufe wannan dandalin
    Sharhi/Ra'ayi
         
    Babu sharhi ko daya har yanzu a kan wannan dandalin, rubuta guda domin zamowa na farko

    Sauti

    • Shirin Hantsi
      Minti 30

      Shirin Hantsi

      Mu kan komo da karfe 8 na safe agogon Najeriya da Nijar domin sake gabatar muku...

    • Shrin Safe
      Minti 30

      Shrin Safe

      Kullum da karfe 6 na safe agogon Najeriya da Nijar muna gabatar da labarai da...

    • Shirin Dare
      Minti 30

      Shirin Dare

      A shirin namu na karfe 9 da rabi agogon Najeriya da Nijar, zaku ji labarai na...

    • Yau da Gobe
      Minti 30

      Yau da Gobe

      Yau da Gobe

    • Shirin Rana
      Minti 30

      Shirin Rana

      Da karfe 4 na yamma agogon Najeriya da Nijar zaku iya jin rahotanni da labarai...

    Karin Bayani akan Shirya-shirye
    Lambobin bayyana ra'ayoyi a shirinmu na dare: +12022052655
    Lambar kira don bayyana ra'ayi ko yaushe ake so: +12022059942.
     
    Karin Bayani akan Shirya-shirye