Accessibility links

Labari da Dumi-Duminsa

Kwararru Sun Ce An Kusa Samun Rigakafin Cutar Malaria


Wani masanin kimiyya yana daukan samfurin gwaji na neman makarin cutar sankara ko kuma daji a dajin gwaje-gwaje. July 15, 2013. Picture taken July 15, 2013. REUTERS/Stefan Wermuth (BRITAIN - Tags: HEALTH SCIENCE TECHNOLOGY) -
Wani masanin kimiyya yana daukan samfurin gwaji na neman makarin cutar sankara ko kuma daji a dajin gwaje-gwaje. July 15, 2013. Picture taken July 15, 2013. REUTERS/Stefan Wermuth (BRITAIN - Tags: HEALTH SCIENCE TECHNOLOGY) -

Kwararru a fannin kiwon lafiya sun gano wani nau’in magani da yake iya warkarwa da kare kamuwa da cutar zazzabin cizon sauro ko kuma Malaria, amma a jikin dabbobi.

Wannan sabon makari a cewar kwararrun, ya na iya maganin irin nau’in cutar Malari nan da kan bijirewa magani.

Fatan dai shi ne, idan har wannan sabon magani ya yi aiki a jikin bil adama, hakan zai zama wani muhimmin ci gaba da aka samu a kokarin da ake yi a yakin na neman makarin cutar ta zazzabin cizon sauro, musamman ma a fannin samar da rigakafinta,

Kiyasin da aka yi, ya nuna cewa cutar ta Malari na kama mutanen da yawansu ya kai miliyan 200 a duk shekara - a duk fadin duniya.

Farfesa Kelly Chibale, wanda shi ya jagoranci binciken a jami’ar Cape Town dake Afirka ta Kudu, ya ce nau’in sabon maganin wanda suka yi wa lakabi da MMV048, na iya kawo cikas ga matakan da cutar ta zazzabin cizon sauro ke bi wajen yaduwa a cikin magudanun jinin dan dam, ta yadda har zai warkar da cutar cikin wani lokaci.

Cutar zazzabin cizon sauro kamar yadda bincike ya nuna, na sanadin mutuwar mutum dubu 425 a kowace shekara, wadanda mafi yawansu yara ne kanana daga kasashen dake kudu da Sahara a nahiyar Afrika.

Facebook Forum

XS
SM
MD
LG