WASHINGTON ,DC, —
Wata fashewa da ta auku a wata kasuwa da ake samun cunkoson jama’a yau asabar a arewa maso gabashin Najeriya ya kashe a kalla mutane goma sha shida sama da ishirin kuma suka jikkata.
Bom din ya tarwatse ne da misalin tsakar rana a Maiduguri babban birnin jihar Borno.Rahotanni na nuni da cewa, mai yiwuwa wata karamar yarinya yar shekaru goma ta tada shi.
Kawo yanzu babu kungiyar da ta dauki alhakin harin.
A garin Potiskum kuma, wani jami’in ‘yan sanda ya shaidawa wani dan jarida cewa, bom da ya tarwatse a wata mota da ya kashe mutane biyu, harin kunar bakin wake ne.
Kungiyar mayakan Boko Haram dake tada kayar baya a arewa maso gabashin Najeriya ta sha kai hare hare a Maiduguri da Potiskum.
Wakilinmu Haruna Dauda Bi'u na da karin bayani.
