Hukumar Jiragen Saman Yakin Nijeriya ta ce daya daga cikin jiragenta kirar jet ya rikito a kusa birnin Kano na arewacin Nijeriya, ya hallaka matukin.
Wani mai magana da yawun hukumar Jiragen Saman Yakin mai suna Yusuf Anas, ya ce jirgin, samfurin F7 kirar China ya fadi a yayin da ake koyon tuki da shi a yau Talata a Filin Jirgin saman Kano.
Rahotanni daga inda abin ya auku sun ce jirgin ya fado a yayin sauka a lawalin saukar sannan ya kama da wuta.
Ba a sami bayanin musabbabin faduwar jirgin ba. Hukumar jiragen ta ce ta fara bincike.
