A Indonesia anji karar wasu fashe fashe masu yawa sannan daga bisani aka ji amon bindiga a Jakarta babban birnin kasar jiya Alhamis.
WASHINGTON, DC —
Akalla mutane uku sun mutu, kamar yadda shaidun gani da ido suka yi bayani.
Kafofin yada labaran kasar suka ce anji fashe fashe daban daban har shida a tsakiyar birnin, kusa da kasuwar zamani da ake kira Sarinah. Haka nan akwai ofisoshin gwamnati da kuma manyan O'tel O'tel a unguwar.
'Yansanda suka wasu daga cikin fashe fashen bama-bamai ne suka haddasa su. Babu tabbas kan wadanda suka kai harin, ko an kama wasu daga cikin maharan.