Fada ya barke a wajen zanga-zanga a jihar Kudanci Carolina tsakanin ‘yan tawagar KU KLUX KLAN masu fushin da sauke tutar nan ta Confederal dake tsakiyar birnin.
WASHINGTON D.C —
Inda suka suka yi gaba da gaba da ‘yan fafutukar bakaken fatar Amurka da suke tasu zanga zangar a daya gefen. Yan sanda a birnin sun cafke mutane da dama game da lamarin.
Hukumomi sun ce ‘yan fafutukar sun taru ne don bayyana matsalar kabilancin da suke fama da ita a jihar. James Evans Muhammad ne ya jagoranci zanga-zangar.
‘Yan sanda sun tarwatsa jama’ar. Shugaban Amurka Obama tuni ya kira cire tutar da cewa mataki ne na ‘yan majalisar jihar akan kyakkyawan yunkurin magance wariyar launin fata.