Shugaba Donald Trump ya amincewa Montenegro ta shiga kungiyar NATO jiya Talata, wanda wani cigaba ne ga wannan karamar kasar ta yankin balti da ke fafatukar ganin an amince da kokarinta na shiga kungiyar ta NATO.
WASHINGTON, DC —
Fadar White House ta ce Trump na son ganawa da Shugaban Montenegro da kuma shugabannin NATO a watan gobe a Brussles don yin maraba da kasa ta 29 da ta shiga kungiyar ta NATO.
Fadar ta White House ta ce shigar Montenegro kungiyar zai nuna ma sauran kasashen da ke sha'awar shiga kungiyar cewa har yanzu kofar shiga wannan kungiyar ta kasashen yankin Atilantika da Turai na nan bude saboda haka kasashen da ke yammacin Balkan na iya zabar makomarsu.