WASHINGTON, DC —
Yanzu haka Melania Trump, matar shugaban Amurka, tana kasar Malawi a yau Alhamis, kasa ta biyu da take ziyara a rangadin da take na wasu kasashen Afrika.
Da saukarta birnin Lilongwe, Melania ta je ta ziyarci wata karamar makarantar firamare wacce ke da dalibbai kamar 8,000 amma malamai 75 kacal. Ta ma zauna ta kalli yaran suna daukan darasin koyon turancin Ingilishi, kuma daga bisani ta zanta da malaman makarantar.
Matar shugaban na Amurka tazo da tsarabar da fadar White House ta baiwa ‘yan makarantar, wacce ta hada da jakuna, alli da kuma kwallayen kafa.
Haka kuma ance ita ma Hukumar raya Kasashe ta Amurka, USAID, tana shirin bada kyautar tarin littafai ga makarantar.