WASHINGTON, D.C - Rundunar sojan Mali tace a jiya Laraba ne wannan dan kunar bakin ya saki nakiyoyinsa lokacinda sojan suka tsaida shi a gaban wata toshiyar da suka girka a kan hanya kusa da filin jirgin saman Timbuktu din.
Har zuwa yanzu dai ba wata kungiyar da ta dauki alhakin kai harin, amma dai an san cewa wannan shine harin farko da aka kai a can Timbuktu tun lokacinda sojan kasa-da-kasa a karkashin Faransa suka fara yunkurin koran mayakan ‘yan kishin Islaman da suka mamaye sashen arewancin Mali din.
A jiyan ne kuma shugaban kasar Faransa din Francois Hollande yake cewa ana cikin kashin karshe na kamalla aikin da sojan Faransa suka je yi a can Mali.
Sai dai wasu na jin tsoron muddin faransa ta janye sojojinta 4,000 dake Mali, mayakan ‘yan kishin Islama masu daurin gindin al-Qaida zasu sake dawowa nan arewancin Malin.
Har zuwa yanzu dai ba wata kungiyar da ta dauki alhakin kai harin, amma dai an san cewa wannan shine harin farko da aka kai a can Timbuktu tun lokacinda sojan kasa-da-kasa a karkashin Faransa suka fara yunkurin koran mayakan ‘yan kishin Islaman da suka mamaye sashen arewancin Mali din.
A jiyan ne kuma shugaban kasar Faransa din Francois Hollande yake cewa ana cikin kashin karshe na kamalla aikin da sojan Faransa suka je yi a can Mali.
Sai dai wasu na jin tsoron muddin faransa ta janye sojojinta 4,000 dake Mali, mayakan ‘yan kishin Islama masu daurin gindin al-Qaida zasu sake dawowa nan arewancin Malin.
