Accessibility links

Ambaliyan Ruwa Ta Mamaye Wani Bangaren Lokoja Fadar Gwamnatin Kogi


Ambaliyan ruwa a Lokoja

Ambaliyan ruwa ta sa wani bangaren garin Lokoja babban birnin jihar Kogi karkashin ruwa sanadiyar ruwan da aka yi da ya sa kogin Lokoja ya cika ya batse.

Dimbin jama'a sun tsere daga gidajensu daga unguwar Natako cikin birnin Lokoja fadar gwamnatin jihar Kogi sanadiyar ambaliyan ruwa da ya soma mamaye unguwar tun daren jiya.

Unguwar na kan hanyar da ta ratsa jihar Kogin zuwa kudu maso kudancin Najeriya.

Wasu mazauna unguwar irin su Dr. Umar sun ce ruwan na gudu da karfi kuma duk abun da ya tarar kan hanyarsa yana tafiya dashi. Wani yace ruwan ya tsayar da motoci fiye da awa uku basu iya wucewa su nufi kudanci ko arewacin kasar ba. Suna mai cewa abun da ya faru bai taba aukuwa haka ba.

Gidaje da yawa ne lamarin ya shafa amma har yanzu babu alkalumma sai hukumar dake da alhakin yin kidigdiga ta fitar da bayani. To sai dai babu hasar rayuka.

Jami'an bada agajin gaggawa na cigaba da bada agaji, musamman mafaka ma wadanda lamarin ya rutsa da gidajensu. A wani bangaren kuma gwamnatin jihar ta dukufa wajen wayar da kawunan jama'a akan hadarin dake tattare da zama a wannan unguwar a daidai wannan lokacin.

Yahaya Bello, gwamnan jihar Kogi
Yahaya Bello, gwamnan jihar Kogi

Onarebul Ohinoyi Sha'aibu mataimakin gwamnan jihar na musamman akan harkokin kiwon lafiya yace sun sha ba mutane shawara akan unguwar tare da yi masu gargadi kada su yi gini kan hanyar ruwa.

Ga rahoton Mustapha Nasiru Batsari da karin bayani.

Facebook Forum

XS
SM
MD
LG