Yau Asabar din nan a duk fadin Amirka, Amerikawa ke bikin cika shekari maitan da talatin da tara da samun yancinsu daga turawan mulkin mallakar Ingila. Suna wannan biki ne da yin pareti da yin picni da kade kade da kuma wasan wuta.
Shugaba Barack Obama da iyalinsa zasu dauki dawainiyar yin ciye ciye da tande tande da ake cewa Babarcue a fadar White House yau Asabar wa daruruwan mayakan Amirka da iyalansu.
A ranar hutu ga watan Yuli a alif dri bakwai da saba'in da shidda wakilan jihohin ko kuma yankunan Amirka guda goma sha uku a hukunci suka ayyana samun yanci suka katse duk wata hulda da Britaniya.
A halin da ake ciki kuma yan sanda suna inganta matakan tsaro a yau Asabar bayan da hukumomin tsaro suka yi kashedin yiwuwar barazanar ta'adanci.
Mumnaan hare haren ta'adanci da kai a makon jiya a kasashen Kuwait da Tunisia da kuma Faransa tasa sakataren hukumar tsaron cikin gida Jeb Johnson gabatar da sanarwar bukatar zama cikin shirin kota kwana a yau Asabar anan Amirka.Kungiyar ISI tayi kirarin cewa ita keda alhakin kai hare hare a Tunisia da Kuwait da kuma Faransa Ga Yadda aka yi wannan biki a Abujan Nigeria kamar yadda wakilin sashen Hausa Hasan Maina Kaina ya baiyanawa Halima Djimrao.
.
