Accessibility links

Labari da Dumi-Duminsa

Amurka Ta Ki Amincewa a Binciki Isra'ila Kan Zargin Kisan Falasdinawa


Jakadiyar Amurka a Majalisar Dinkin Duniya, Nikki Haley

Amurka ta dakile wani yunkurin gudanar da bincike kan zargin da ake yi na cewa Isra'ila ta yi amfani da harsashai na gaske wajen tarwatsa Falasdinawa masu zanga zanga a yankin Zirin Gaza a karshen makon da ya gabata.

Amurka ta kawo cikas ga wata bukata da aka gabatar a gaban kwamitin sulhu na Majalisar Dinkin Duniya, bukatar da ta nuna a binciki zargin amfani da harsashai na gaske da dakarun Isra’ila suka yi amfani da su akan Falasadinawa,

A ranar Juma'ar da ta gabata dakarun Isra'ilan suka far wa wadanda suka fita domin yin zanga zanga a yankin zirin Gaza.

Wani jami’in diflomasiyan Faransa ne da ke kwamitin ya bayyanawa kamfanin dillancin labaran kasar ta Faransa matakin da Amurkan ta dauka na dakile bukatar ta neman a gudanar da binciken.

Hukumomin yankin Falasdinawa sun ce akalla mutane 15 dakarun Isra’ilan suka kashe a ranar Juma’a, sannan sama da 750, sun samu raunuka daga harbin bindiga.

A jiya Asabar aka yi jana’izar wadanda suka mutun, inda mahalarta jana’izar suka rika kiran da a dauki fansa.

Firai ministan Isra’ila Benjamin Netanyahu, ya jinjinawa sojojin kasar da suka harbi Falasdinawan.

A cewarsa matakin, yunkuri ne na kare ‘yancin gashin kan kasar da kuma tabbatar da tsaron al’umar Isra’ilan.

Facebook Forum

XS
SM
MD
LG