Accessibility links

Labari da Dumi-Duminsa

An Kama Shugaban EFCC Ibrahim Magu


Ibrahim Magu, shugaban hukumar EFCC.

Rahotanni da dama na cewa Jami'an hukumar tsaron Najeriya na farin kaya (DSS), sun kama shugaban hukumar yaki da cin hanci da rashawa ta EFCC Ibrahim Magu bisa wasu zarge-zarge.

Kakakin shugaban na EFCC ya shaida wa gidan talabijin na Channels da faruwar lamarin, sai dai ya jaddada cewa gayyata ce kawai Magu ya je amsawa.

A cewar jaridar Sahara Reporters an kama Magu bisa zargin cewa yana da gidaje 4, sa'anan yana aikewa da kudade zuwa kasashen waje tare da taimakon wani.

Ibrahim Magu shugaban Hukumar EFCC a yayin wata hira da Muryar Amurka
Ibrahim Magu shugaban Hukumar EFCC a yayin wata hira da Muryar Amurka

A cewar wata sanarwa wacce hukumar ta DSS ta fitar a shekarar 2016, ana zargin Magu da zama cikin wani gida wanda ya kai miliyan 40 wanda wani Umar Mohammed ya siya.

Sanarwar ta kuma jaddada yadda Magu ke tafiya akai-akai cikin wani jirgin sama mallakin wannan mutumin Umar Mohammed.

Masana sun bayyana cewa a ka'idar aikin gwamnati a najeriya, duk wanda zai yi rikon kwarya a kowace hukuma, bai kamata ya wuce watanni shida ba.

Shi dai Magu ya yi shekara 5 yana rike da wannan mukamin kuma sau biyu ana aikewa da sunansa ga majalisar dattawa amma suka ki tantance shi.

A kwanakin baya hukumar ta DSS ta bayyana cewa a ganinsu Magu ba zai iya rike EFCC yadda ya kamata ba saboda "yadda ya ke da hannu a sha'anin cin hanci da rashawa shi kansa."

Facebook Forum

Zauren VOA Hausa #EndSARS

Zauren VOA Hausa #EndSARS Kashi na Biyu 03
please wait

No media source currently available

0:00 0:18:31 0:00
Karin bayani akan #ENDSARS: Zanga Zangar Kyamar Gallazawa Al’umma Da Yan Sanda Ke Yi

Rayuwar Birni

Rayuwar Birni: Hira da Aliyu Danlami mai sayar da furanni a Abuja
please wait

No media source currently available

0:00 0:04:49 0:00
XS
SM
MD
LG