Don maido da doka da oda,biyo bayan hare haren da ake kaiwa tsaunin Mambila a jihar Taraba arewa maso gabashin Najeriya,yanzu haka an tura karin jami’an tsaro tare da tura jirgin yaki mai saukar angulu.
A cewar mai magana da yawun 'yan sandan jihar da Muryar Amurka ta tuntuba, harin da aka sake kaiwa jiya ya yi sanadiyar tarewar kwamishanan 'yan sandan jihar tare da wasu manyan jami'an tsaro a tsaunin Mambilan domin dakile kara asarar rayuka.
Alkalumma na nuni da cewa kawo yanzu wajen rayuka goma ne suka salwanta amma an kama wasu da ake kyautata zaton suna da hannu a lamarin 'yan kwanakin nan tare da kara cafke wasu bakawi jiya da aka samesu da kwari da baka da adduna da dai wasu kayan fada.
Ibrahim Abdulaziz na da karin bayani a wannan rahoton.
Facebook Forum