Accessibility links

An Koka Game Da Yawan Cin Bashin Da Gwamnatin Taraba Ke Yi


TARABA: Gwamna Darius Dickson

Yanzu haka dai an soma musayar kalamai a tsakanin yan jam’iyar PDP dake mulkin jihar Taraba, da kuma yan hadakar kungiyar siyasa ta Integrity a jihar game da rancen kudaden da gwamnatin jihar ke karba da kuma yadda gwamnan jihar a yanzu Darius Dickson Isiyaku, ke jagorantar jihar.

A wajen wani taron manema labarai, a Jalingo fadar jihar yan kungiyar sun nuna bacin ransu game da cin bashin gwamnatin jihar, baya ga kudaden tallafin da gwamnatin tarayya ta bada, batun da suka danganta da yunkurin jinginar da jihar Taraba ta hanyar cin bashi.

Hon. Iliyasu Muazu Shagarda, wanda ya taba rike kujerar karamar hukuma a jihar yace son zuciya ne ke jawo wa gwamnatin jihar matsala a yanzu, inda ya bada missali da rashin biyan bukatun ma’aikata da kuma batun bashin da aka karba daga bankin Zenith.

To sai dai a martanin da gwamnatin jihar, kusoshin jam’iyar PDP dake mulkin jihar sun yi fatali da wadannan zarge-zargen da yan hamayya na Integrity group ke yi.

Danladi Sabo- wani kusa ne a PDP yace, Taraba tana samun nasara a yanzu duk kuwa da makudan bashin da gwamnatin Darius ta gada.

Duk kuwa da kokarin da Muryar Amurka ta yi na jin ta bakin kwamishinan yada labaran jihar abin ya ci tura.

To sai dai kuma yayin da ake wannan cece-kuce wanda ke da nasaba batun zaben shekarar 2019, ga masana irinsu Farfesa Muhammad Sani Yahya dake zama tsohon shugaban jami’ar jihar Taraba, TASU, kira yayi ga al’umman jihar da su yi karatun ta natsu a shekarar 2019.

Domin karin bayani saurari rahotan Ibrahim Abdul’aziz.

please wait

No media source currently available

0:00 0:03:46 0:00

Facebook Forum

An Yi Jana’izar Idriss Deby Yayin Da Makomar Chadi Ke Cike Da Rashin Tabbas
please wait

No media source currently available

0:00 0:04:38 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG