Accessibility links

Labari da Dumi-Duminsa

An Sace Shugaban Karamar Hukuma, An Kashe Shugaban Ma'aikatar Fansho A Kogi


Gwamna Yahaya Bello a lokacin bikin tunawa da mazan jiya a watan Janairu 2021 (Instagram/officialgybkogi)

Manyan jami'an gwamnatin biyu na tafiya ne a mota guda a lokacin da 'yan bindiga suka bude musu wuta, lamarin da ya yi sanadin mutuwar Adebayo Solomon.

Rahotanni daga jihar Kogin Najeriya na cewa, wasu ‘yan bindiga sun yi garkuwa da shugaban karamar hukumar Yagba West Pius Kolawole.

Bayanai sun yi nuni da cewa Solomon, na komawa gida ne daga Ilorin zuwa Kabba sai wasu ‘yan bindiga suka budewa motarsu wuta.

A cikin motar har da shugaban hukumar fansho na jihar, Adebayo Solomon wanda ya rasa ransa sanadiyyar bude wutar da ‘yan bindigar suka yi.

Lamarin ya faru ne wasu ‘yan kilomitoci daga kauyen kira Eruku da ke kan iyaka da jihar Kwara da yammacin ranar Asabar.

Mai magana da yawun rundunar ‘yan sandan jihar ta Kogi DSP William Aya da Muryar Amurka ta nema don jin karin bayani, ya ce a ba shi lokaci zai waiwaye mu ba da jimawa ba.

Amma kafofin yada labarai da dama sun ce rundunar ta tabbatar da aukuwar lamarin tana mai cewa, da Kolawole wanda aka fi sani da Akeweje da Solomon, suna tafiya a mota guda ne a lokacin da maharan suka far musu.

Rahotanni sun ce an baza jami’an tsaro a yankin da harin ya faru domin ganin an ceto shugaban hukumar Kolawole.

Karin bayani akan: jihar Kogi, Edo, Muryar Amurka, Shugaba Muhammadu Buhari, Nigeria, da Najeriya.

Wannan lamari na faruwa ne kasa da mako guda, bayan da aka kai wani hari akan Sanata Clifford Ordia da ke wakiltar mazabar Edo Central a majalisar dokokin Najeriya a yankin jihar ta Kogi.

Yankuna da dama na jihar wacce ba ta da nisa da Abuja, babban birnin Najeriya, sun shiga kangin masu garkuwa da mutane.

Ko a watan Janairun bana, sai da wasu ‘yan bindiga suka sace ‘yan kasuwar kantin kwari 18 a yankin na jihar Kogi, a lokacin suna kan hanyarsu ta zuwa garin Aba domin sayo kayayyaki.

Amma an sako su daga baya, bayan da aka biya kudin fansa kamar yadda rahotanni suka nuna.

Dubi ra’ayoyi

An Yi Jana’izar Idriss Deby Yayin Da Makomar Chadi Ke Cike Da Rashin Tabbas
please wait

No media source currently available

0:00 0:04:38 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG