A ranar jumma'a aka yi hidimar jana'izar tsohon mataimakin shugaban Najeriya Dr. Alex Ekueme,. Yay mataimakin shugaban kasa a zamanin jamhuryar ta biyu. Alex Ekueme, shine mataimakin shugaban Najeriya Alhaji Shehu Shagari.
Da yake magana a haduwar, mataimakin shugaban Najeriya Parfessa Yemi Osinbajo, ya yaba da irin gudumawar da Dr. Ekueme ya bayar a ci gaban Najeriya ta ko wane fanni da ya taba.
Haka shima da yake magana, tsohon babban sakataren kungiyar kasshe renon Ingila, Dr. Emeka Anyaoku, yace marigayin ya taka rawar gani a fannonin rayuwa a uku muhimmai, a siyasar Najeriya, ta kasa-da-kasa- da kuma taimakon marasa galihu.
Da yake hira da wakilin Sashen Hausa AlphonsusOkoroigwe, tsohon ministan albarkatun ruwa na Najeriya, Barrister Mukhtari Shagari, ya bayyana mutuwar Alex Ekueme, a zaman babban rashi ba ga iyalansa ba kadai, amma kasa baki daya.
Ya yaba da dottaku da halin mutuntawa da suka yi aiki da mahaifinsa, tsohon shugaban kasa Alhaji Shehu Usman Aliyu Shagari.
Gwamnoni na da dana yanzu, ministoci da dubun dubatan jama'a ne suka yi cicirindo a harabar cocin da aka yi hidimar, a garin Oko cikin karamar hukumar Orumba ta Arewa,inde aka binne shi.
Facebook Forum