WASHINGTON, DC —
Ma'aikatan ceto na ci gaba da neman wasu mutane da dama da suka bata a kogin Kwara bayan kifewar wani babban kwale-kwalen da aka cunkusawa fasinjoji fiye da kima.
Jami'an hukumar ceton gaggawa ta jahar Naija sun fada a jiya asabar cewa an gano gawarwakin mutane da yawa da suka mutu a cikin hatsarin da ya faru tun ranar jumma'a. Wani jami'in hukumar ya ce mutane hamsin ne iyakacin abun da kwale-kwalen zai iya dauka.
Masu gudanar da bincike sun ce a lokacin da hatsarin ya faru kwale-kwalen ya na cike makil da 'yan tireda masu zuwa cin kasuwar mako-mako a garin Malale a daya bangaren kogin.
Kimanin awowi 24 bayan afkuwar hatsarin wakilin Sashen Hausa Murtala Faruk Sanyinna ya samo karin bayani.
Jami'an hukumar ceton gaggawa ta jahar Naija sun fada a jiya asabar cewa an gano gawarwakin mutane da yawa da suka mutu a cikin hatsarin da ya faru tun ranar jumma'a. Wani jami'in hukumar ya ce mutane hamsin ne iyakacin abun da kwale-kwalen zai iya dauka.
Masu gudanar da bincike sun ce a lokacin da hatsarin ya faru kwale-kwalen ya na cike makil da 'yan tireda masu zuwa cin kasuwar mako-mako a garin Malale a daya bangaren kogin.
Kimanin awowi 24 bayan afkuwar hatsarin wakilin Sashen Hausa Murtala Faruk Sanyinna ya samo karin bayani.
