Accessibility links

Labari da Dumi-Duminsa

Buhari Ya Jinjina Dadewar Auren Yarima Philip Da Sarauniya Elizabeth


Wani tsohon hoton Sarauniya Elizabeth da mijinta marigayi Yarima Philip

“Wannan abin alfahari ne ga duk auren da ya yi irin wannan dadewa a kowane mataki.” Buhari ya ce a sakon ta'aziyarsa ga Sarauniya Elizabeth bisa rasuwar Yarima Philip.

Shugaban Najeriya Muhammadu Buhari ya jinjina dadewar da marigayi Yarima Philip da Sarauniyar Ingila Elizabeth suka yi a matsayin ma’aurata.

A shekarar 1947 Duke of Edinburg, Philip da sarauniya Elizabeth suka yi aure.

Philip ya rasu ne a ranar Juma’a, yana da shekara 99.

“Shugaba Buhari ya jinjinawa Duke of Edinburgh, a matsayin miji na kwarai wanda ya yi zaman lafiya a aurensa da Sarauniya Elizabeth tun daga shekarar 1947.” Buhari ya fada a wata sanarwa da kakakinsa Malam Garba Shehu ya fitar, don mika sakon ta’aziyyarsa ga masarautar Burtaniya bisa rasuwar Philip.

“Wannan abin alfahari ne ga duk auren da ya yi irin wannan dadewa a kowane mataki.”

Sarauniya Elizabeth da Yarima Philip
Sarauniya Elizabeth da Yarima Philip

Buhari na mika sakon ta’aziyyarsa ne ga Sarauniya Elizabeth kan rasuwar mijin nata Yarima Philip.

“Yarima Philip na daya daga cikin fitattun mutane da kasashen duniya suka san irin gudunmowar da suka bayar, wajen tallafawa kasashe da Ingila ta rena (Commonwealth) wanda ba za’a manta da shi ba.”

Ya kara da cewa, “Yarima Philip mutum ne jarumi, wanda ya ba da gudunmowa a fannonin ayyukan al’uma da kare halittun dazuka da tallafawa matasa a kasahe sama da 130.”

“Shugaban yana mika sakon ta’aziyyarsa ga gwamnatin Burtaniya, da mambobin kungiyar kasashen da Ingila ta rena, bisa wannan abin alhini na rashin wannan basarake kuma jarumi a idon duniya.”

A shekarar 2017 Yarima Philip ya yi ritaya daga ayyukan masarautar

Bayan shekara daya, ya gamu da wani mummunan hadarin mota a lokacin yana kan hanyarsa ta zuwa gidan iyalan masarautar ta Ingila da ke Sandringham.

Lokaci na karshe da aka gansa a baina jama’a, shi ne a watan Yulin shekarar 2020 a fadar masarautar ta Windsor Castle.

Takaitaccen Tarihin Yarima Philip Wanda Ya Mutu A Ranar Juma'a 9 Ga Watan Afrilu 2021
please wait

No media source currently available

0:00 0:03:43 0:00

Dubi ra’ayoyi

An Yi Jana’izar Idriss Deby Yayin Da Makomar Chadi Ke Cike Da Rashin Tabbas
please wait

No media source currently available

0:00 0:04:38 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG