Accessibility links

Labari da Dumi-Duminsa

Buhari Ya Mikawa Majalisa Wata Kwarya-kwaryar Kasafin Kudi


Shugaba Buhari a yayi da yake rattaba hannu kan kudirin yaki da almundahana a ranar 5 ga watan Yulin 2018.

Shugaba Muhammadu Buhari ya aika wa Majalisar Dokokin Najeriya wata kwarya-kwaryar kasafin kudi wanda a ciki ake kyautata zaton samun kudaden zaben shekarar 2019.

Kwarya-kwaryar kasafin kudin na Naira biliyan 242.4 ne wanda a ciki za a ware kudaden da za a yi zabe a watan Fabrairun shekarar 2019 da su.

Shugaban Majalisar Dattawan Najeriya, Sanata Bukola Saraki ya bada bayanin kasafin kamar haka:

- Hukumar Zabe, Naira biliyan 189

- Ofishin mai bada sharwa ga shugaban kasa kan lamuran tsaro, Naira biliyan 4.2

- Hukumar tsaro ta farar hula DSS Naira biliyan 12.2

- Hukumar tsaro da ake kira Civil Defense, Naira biliyan 3.5

- Rundunar 'yan sanda Naira biliyan 30.5

Ha-kazalika, kasafin kudin zai tabo ayyuka da dama, "kamar aikin wuta na Mambila wanda ke da muhimmanci," inji Sanata Kabiru Ibrahim Gaya. Shugaba Buhari na kokarin zartar da wannan aikin a Mambilla wanda aka yi tunaninsa shekaru sama da 30 da suka wuce, amma ya gagara tabbata. Wannan aikin zai iya samar da megawatts 3050 na wuta a kasar wanda zai taimaka wajen saukaka matsalolin da karancin wuta ke haifarwa.

Sanata Gaya, ya bayyana cewa za su yi kokarin bada hadin kansu don ganin an cimma wannan buri.

"Na tabbata ko za a yi muhawara, tilas tun da sai an kai ma kwamitoci," inji Sanata Abu Ibrahim. A cewarsa, watakila ba za a samu damar yin nazarin wannan kasafi ba a yanzu, domin majalisar na shirin zuwa hutu a mako mai zuwa, kuma ba za su dawo bakin aiki ba har sai watakila a watan Oktoba.

Saurari rohoton Madina Dauda

please wait

No media source currently available

0:00 0:03:10 0:00

Facebook Forum

Zabarmawa, Zabuwa, Ghana

Yadda Aka Gudanar Da Wasan Zabuwa A Ghana
please wait

No media source currently available

0:00 0:03:14 0:00
Karin bayani akan Rahotannin Taskar VOA

Sabbin kotunan soji a Maiduguri za su yi shari’a ga kanana da manyan sojoji

Karin bayani akan Rahotannin Taskar VOA
XS
SM
MD
LG