Accessibility links

Labari da Dumi-Duminsa

Burtaniya Ta Tashi Tsaye Domin Yakar Ta'addanci


Firai ministar Burtaniya, Theresa May

Wani harin da jami'an tsaro suka ayyana a matsayin na ta'addanci ne da aka kai a Burtaniya, ya sa hukumomin kasar sun tashi tsaye wajen tunkarar kalubalen hare-haren ta'addancin.

Burtaniya ta kara tsaurara matakan kariya daga hare-haren ta’addanci, bayan wani harin bam da aka kai a tashar jirgin kasa, wanda kungiyar IS ta dauki alhakin kai wa.

A jiya Juma’a, Firai Minista Theresa May, ta bayyana daukan wannan mataki, wanda Cibiyar nan ta hadin gwiwa mai bin diddigin hare-haren ta’addanci, ta ba da shawarar a yi – inda aka kai baranzar harin ta’addanci zuwa ma’auni na karshe.

Firai ministar ta kara da cewa, dakarun kasar za su fara taimakawa ‘yan sanda wajen ba da tsaro a wasu wurare, tana mai cewa al’umar kasar za su ga karin jami’an tsaro akan tituna, ba kamar yadda aka saba gani a baya ba.

Yayin da hakan ke faruwa, kungiyar IS, ta ce wani reshenta ne ya dana bam din da aka tayar a tashar Parsons Green Subway, wanda ya raunata mutane 29.

Bam din ya tashi ne, a daidai lokacin da ake samun cunkoson jama’a, a harin wanda ‘yan sanda suka ayyana shi a matsayin na ta’addanci.

Daga cikin wadanda suka jikkata, babu wanda rayuwarsa ke cikin hadari, in ji ma’aikatan ba da agajin gaggawa.

Facebook Forum

Shin PI Za Ta Fashe Kuwa Ko Yaudara Ce Kawai?

Karin bayani akan Bidiyo
XS
SM
MD
LG