Gwamantin Amurka na fuskantar karin wadanda suka kamu da COVID-19 da kuma tasirin da cutar ta yi kan attalin arzikin kasar, lamarin da ya haifar da babban gibi kan kudaden da ake sa ran samu a watan Yuni.
An yi kiyasi yawan kudin ya kai dala biliyan 864 adadin da ya haura abin da kasar take gani na gibi a duk shekara a tarihin kasar.
Gibin ya faru ne yayin da fadar White House da Majalisa suka amince da tiriliyoyin daloli na gagarumin wasu shirye shiryen tallafi don yaki da coronavirus, a yayin da sama da ma’aikata miliyan 40 aka sallama daga bakin aiki, lamarin da ya rage kudaden da kwastomomi ke kashe – ya kuma shafi kudaden harajin da ake karba.
Alkaluman na watan Yuni ya haura gibin da aka gani a watan da ya gabata wanda ya kai dala biliyan 738 a watan Afrilu, yayin da coronavirus ta fara yaduwa a sassan kasar.
Yanzu, kamar yadda takardun kashe kudade na gwamnati ke nuna alamun ana shiga kangi wata bayan wata, kasar na fuskantar karin adadin wadanda suke kamuwa da coronavirus, inda a ‘yan kwanakin nan ake ganin sama da mutum dubu 60,000 suna kamuwa da cutar.
Facebook Forum