Accessibility links

Labari da Dumi-Duminsa

Dalilan Da Suka Sa Aka Sami Jinkiri a Kasafin Kudin 2022: Majalisar Dattawa


Majalisar dokokin Najeriya

Majalisar dattawan Najeriya ta bi sahun majalisar wakilai wajen amicewa da kasafin kudin shekarar 2022 har da kari daga naira Triliyan 16.3 zuwa Triliyan 17.1.

Majalisar dattawan ta amince da daidai kasafin da majalisar wakilai ta yi wanda ya kama Naira Triliyan 17.1, sabanin Naira Triliyan 16.3 da shugaba Mohammadu Buhari ya mika wa haddadiyar majalisar a watan Oktoba na bana.

Kasafin ya dauki tsawon lokaci a majalisar dattawa ne domin aiki da suka dukufa yi akan kasafin kudin hukumar zabe, inda a karshe aka amince wa hukumar da kudi har Naira biliyan 305.

Sanata Kabiru Ibrahim Gaya, shine shugaban kwamitin kula da hukumar zabe a majalisar dattawa, ya ce a wannan kasafin hukumar zabe ta sami kari, bambancin yadda ake yi a baya saboda a baya ba a bada kudin da hukumar ke bukata kan kari sai dab da zabe amma yanzu an canza lamarin.

Bayanan da Muryar Amurka ta samu game da karin da aki yi akan kasafin kudin na nuni da cewa tun farko an yi kiyasin kasafin akan kudin gangar danyen man fetur dalar Amurka 57 amma a yanzu an daga shi zuwa dalar Amurka 63 wanda ya mayar da kudin zuwa Naira Triliyan 17.1.

Dan majalisar wakilai Abubakar Yahaya Kusada, ya bada hujjar yin karin inda ya ce ana so kasafin kudi ya yi abinda zai tallafawa 'yan kasa kuma ya kasance kowa na da hakki a ciki, shi ya sa sai aka bullo da hanyoyin da zasu samar wa kowacce mazaba wani gurbi a cikin kasafin, wannan shi ya sa aka sami kari a kasafin da bangaren zartarwa suka kawo.

Majalisar ta kwashi shekaru biyu kenan ta na yin kasafin kudin kasar daga watan Janairu zuwa Disamba, sabanin yadda ake yi a baya da ba a ma cika kamalla aiwatar da kasafin a shekara, wani abu da shugaban kwamitin rikon kwarya na jam'iyyar APC kuma gwamnan jihar Yobe, Mai Mala Buni ya danganta da shugabanci mai kyau.

Yanzu dai 'yan kasa sun zuba ido su ga yadda abubuwa za su sauya a kasuwani a daidai lokacin da za a fara aiki da sabon kasafin kudin na shekarar 2022.

please wait

No media source currently available

0:00 0:02:50 0:00



Dubi ra’ayoyi

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG